Press "Enter" to skip to content

Kum Tling Lo Mi A Nungaknu He Nupa Sinak An Hmanlio Video Cu Online Ah A Thlah

Tulio i Myanmar ram Mon ramkulh Mawlamyine khuapi i thil a cang mi a lar tuk mi cu pa nih kumtling lo mi a nungak nu he nupa sinak an hmanlio video cu online ah a thlahmi a si i a. ungak nu nih a kaltak ruang i lungfah celh lo tuk ah cu bantuk i a tuah mi a si.

Mawlamyine khuapi i a um mi Than Wai Yan Hein (kum 18) le kum 16 nute cu 2019 kum ah khan ai duh mi an si i, 2019 kum ah cangsual in nupa sinak an rak hmang. Mah cucu pa nih cun video a rak lak i a hnu ah a nungak nu hrocer nak ah a hman. A cak can poh le nupa sinak hman a duh tik poh ah a ngaihzawng nute cu nupa sinak hmang dingin a sawm tawn i nu nih a duh lo can poh ah video kan lakmi online chung ah ka post lai tiah a hrocer zungzal tawn.

Cuti cun, pa Than Wai Yan Hein nih cun a cak caan ah a ngaihzawng nu cu nupa sinak a hmanpi zungzal tawn i a nungak nu te inn zong ah a chung le um lo lio a bawh i nupa sinak cu a hmanpi zungzal tawn ti a si. Nu nih a duh lo can poh ah video a rak lak mi kha online ah ka post lai tiah a hrocer i nu nih a el ngam tawn loh.Tu kum March thla tiang kha cu pa duhning zulhbu tein an i kom peng ko nain, A hnu ah cun a nungak nu nih pa cu a tih chin lengmang i a then diam. Cutikah ah cun a tlangval pa cu a thinhang tuk i video a rak lak mi cu online chung ah ka thlah taktak lai tiah a chim.

A taktak ah November thla thok chung bak ahThan Wai Yan Hein nih cun a nungak nu he nupa sinak an hman nak video cu online ah a thlah taktak i.a nungak nu cu biatak tein a mualpho. Amah lawng nih thlah lo in a hawi le vialte nih Group kip ah an rak thlah ve hoi. Asinain, Than Wai Yan Hein nih cun thilsining taktak kha a rak fian ve lo caah, a nungak nu cu kumtling lo mi a rak si tung i an karlak thilkong he pehpar in palik sin ah phanhpi a si.

Nungak le tlangval ai duh mi si ko hmanh hnaseh law,Myanmar daan ah cun kumtling lo an siah cun kumtling lo sualpi case in report khawh peng an si. Cuti cun, nu lei i report an tuah bantuk in,Than Wai Yan Hein cu Mawlamyine palik pawl nih an kawl colh i November 14 ah an tleih khawh.Tu ahcun palik kut chung ah a um cang i, thil cang mi he pehtlai in, Than Wai Yan Hein cu Case pathum bak orh ter i khumh a si. (Mawlamyine Times)

Be First to Comment

Leave a Reply

Your email address will not be published. Required fields are marked *