Press "Enter" to skip to content

Kum Zeizat Ah Dah Nupi Pasal Ngeih Hi A That Kan Van Zoh La

Nupi/pasal nei dingah kum rikhiah ti bantuk tiangtiang cun a um kho loh i, mi tampi buainak a si. Hlan lio chan ah cun, mah nih duhtik can poh ah a hofial le donh um lo in chunglhar dirh a rak si i sinain tuchan ah cun tikhan a si ve ti loh.

ithiam sang pawl nih an checkhlat nak ah nuleva ai then mi le chunglhar a kemkuai mi hi a tam deuh cu kum notuk i ai thi um mi minung pawl hi an si tiah a si. Asiah cun kum zeizat ah dah nupi pasal nei ah a tha cem ne hnga?

1. Duhthusam kum- University of Utah i Sociologist Nick Wolfinger nih cun minung nunphung a hlethlai nak ah cun, kum 28 le 32 karlaki nupi/pasal nei i chunglhar a dirh mi pawl hi, nuleva i then nak, chungkhar a kemkuai mi an tlawm cem tiah a chim. Zeiruang ah tiah cun, kum 28 kan lonh hnu cun kan thinlungput a puitling cang i, tuar khawh nak hormones timi zong a lian tuk cang cun i timhtuah mi zong tampi an nei cang.

Cu lawng si loin thil zeipoh ah tlamtlin lo nak a um tik ah a poi loh mahhi a tlamtlin lo cun hitin kan tuah ko lai timi lungput kan nei kho ti a si. rianhar deuh mi tuan ding zong ah zeitin dah mahhi kan tei khawh ning silai timi lungput an nei kho cang. khuaruah nak puitling mi neih lio taktak a si. Kum upa deuh nanana cu khuasak tintuk ning le tlonlen umdan pawl ah an fek cang ti a si. Chawleva kong zong ah an i todelh cang i kum 28-32 karlak i nupi pasal nei khawh ah cun duhthu sam bik a si.

2. Duhthusam lo kum- Kum 34 hnu i nupi pasal a nei mi pawl hi chungkhar kekkuaimi lakah 5% tiang an phan. Curuangah kum 35 hnu lei i chunglhar a dirh mi hi nuleva ai then mi an tam pi tawn. Zeiruang ah tiah cun, Kum 30 renglo tiang an hngahmi hlawhtlinnak pawl an zumh ning bantuk in, an um khawh lo tik ah an beidongh a ol i nupi/pasal lo i an um chung a sauh tuk cang caah chungkhar khuasak ningcang an thiam ti loh. khatlei i chim ah cun an thinlung ai hngilh cang ti a si.

Cun, kum no tuk, kum 20 pawng hrawnghrang i nupi pasal a nei ol tuk mi pawl lakah chungkhar kekkuai mi an tam chinchin ti si than. Zeiruang ah tiah cun, kum no deuh pawl nih hin, minung i kan nunphung tuanvo kan ngeih mi hi an phan kho taktak loh ti a si. Nupi/psal an nei i nupi le tuanvo, pasal le tuanvo timi theithiam loin an um tikah buainak a tam.

Buainak hmete ruang ah awlte in i then nak an chuah ter i, ka kum a no tuk rih ko midang ka ton tuk rih lai, tiphun in i then an tih loh. Curuangah cun nupi pasal neih ding cun, thinlungput puitling le kum 28-32 karlak i a fuh bik, tiin Nick Wolfinger cun a chim.

Be First to Comment

Leave a Reply

Your email address will not be published. Required fields are marked *