Press "Enter" to skip to content

Kut Bak In Georgia I Vote Pawl An Rel Than Lai, November 20 hlanah Cun Resulh Theih Khawh Si Rih Lai Loh

America ram hruaitu ithim nak cu November 3, 2020 ah neih a si i,Joe Biden nih a tei tiah thawngthanh tu kip nih an langh ter dih cang. Electoral votes 270 ngahtu nih a tei ding a si an ti bantuk in, Joe Biden nih 290 zat bak a ngah ruangah tukum ithim nak ah teinak a hmuh an ti.

President ṭuan lio mi Donald Trump lei a tang mi pawl nih an cohlang duh loh i, ithim nak chung i thil hman lo pawl vialte cu langhter dih siseh tiah an buaipi cuahmah lio a si. official in an phuan rih lo ruang ah Joe Biden team pawl cu an mah chawva dih in, hmailei i kar an hlan nak ding kong ah hmalak nak an nei.

Official i an phuan bak in an riantuan nak tjok nak ding caah tiin, $6.3 million zat pek colh ding an si nain tuitiang cu an ngah kho rih loh. USA ithim nak ah vote hman lo mi a tam tuk an ti ruang ah Georgia khuapi i vote pawl cu kut bak in an rel than lai tiah Secretary of State Brad Raffensperger nih a chim.

Georgia hi Trump lei a tang mi minung um tam deuh nak a si nain, Biden nih vote 14,000 zat bak in hmai a hruai cu a diriam kho loh i, vote relthan ding in, a nor ruang ah hi bantuk i relthan an timh nak hi a si.

Secretary of State Brad Raffensperger nih ‘vote reltu, rianṭuantu pawl zong an thaba bak lai. Overtime bak ah an tuan a hau i November 20 hlan ahcun an rel thlu kho lai loh a ti. Hi bantuk i an rel dih hnu ah buai nak dang a um lo a siah cun, result cu phuan ding a si, cun a tei tu cu January 20, 2021 in US President an ṭuan hram an i thok cang lai. (The Sun) Credit : Meifar

Be First to Comment

Leave a Reply

Your email address will not be published. Required fields are marked *