Press "Enter" to skip to content

Kut-ttawl-nak Senitizer a hmangmi vialte nih kan i ralrin taktak a hau bak hih

A tulio zawtnak ttih ruang ah a ho paoh nih inn ah kan i chiah cio mi le kan hman cio mi kuttawlnak sinitizer deu a chuah caah kan i ralrin taktak a herh. A tu lio ah cun hngakchia in tar tiang nih hi kuttawlnak hi hamn dih mi a si fawn caah zeihmanh ah rel lo awk a tha bak lomi thil a si.

Nizan July 19 ah khan senitizer kuttawlnak a thalo mi (a ttuh) cu an hman sual caah hmanthlak i na hmuh mi bantuk khin a hmang tu pa kut cu a um, ttih a nung taktak. Hi kuttawlnak a thalo mi hi mi tampi sin ah le khua tampi sin ah a phan cang kho mi a si caah a ho paoh kan um nak hmun cio in kan rak i ralrin taktak a herh.

Hi kuttawlnak thalo (counterfeit) na hman sual ah cun hmanthlak i na hmuhmi kut bantuk khin na kut a um lai tinak a si. Kuttawlnak hrimhrim hi a tu lio i hman bik mi le phaisa tampi an lak nak a si caah ah misual le mi hrawkhrawl pawl nih a tak a silo mi a deu cu an siam duh tuk lai ti cu tuak khawh zong a si ngaingai. Cucaah cun hi hnu pin lei zong ah hibantuk hi a chuak kho lengmang mi a si caah kan um nak hmun cio in rak i ralrin cio hna usih timi saduhthah nak he hi thawngpang hi kan van in hromh ve hna.

Be First to Comment

Leave a Reply

Your email address will not be published. Required fields are marked *