Magway Region, Magway khuapi, Taungdwin lampi lamkam dawr i a um mi kuva dawr ah bomb a puak i a pawngkam i a um mi pa hngakchia kum 5 mi a thi. Kuva dawr cu USDP Office pawng te i a um mi a si.
September 14 zinglei nazi 8:00 hrawngah bomb cu ruah lo piin a hong puak i a pawngkam i a um mi hngakchia kum 5 minung Maung Nyan Lin Phyo cu a hliamhma tuar kho loin a hmun ah a thi colh. Pa kum 25 mi zong hliamhma faktuk a tuar i sizung ah an kalpi colh i a tuhi an tuamhlawm cuahmah lio a si tiah thawng kan theih.
CCTV kaltlang in bomb kamhtu cu an dothlat cuahmah i Magway khua chung i a um mi Ko Chit Phyo Thon le Htoo Wai Yan an tleih nak kong People Media thawngthanh nak ah cun an langh ter.
Be First to Comment