Press "Enter" to skip to content

Lai hngakchia:A tleihrem tupa cu kum10 thongthlak asi lai(+video)

A tang bik ah video a um lai Hakhathar ah khua a sami kum 4 ngakchia nute a tlaihrem tiah tazacuaimi Myat Thu Aung cu Hakha District Biaceih zung nih nihin ah kum (10) thongtlak ding in dan a tat, tiah thawng kan theih. Hi kong he pehtlai in Mai Thin Yu Mon nih a tanglei bantukin a taar.

“Hakhathar ah khua a sami kum 4 ngakchia nute a tlaihrem tiah tazacuaimi Myat Thu Aung cu Hakha District Biaceih zung nih nihin ah kum (10) thongtlak ding in dan a tat, tiah thawng kan theih. Ngakchia nute tlaihrem a ton hi aluancia July thla ah khan a si i, a tlaihremtu pa lei nih sihni an hlanmi pa dam loin a um caah biaceih zung chuah ding voi hnih voi thumpi an let i, nihin zing ah a donghnak bik biachahnak an tuah khawh hi a si,” tiah Mai Thin Yu Mon nih a taar.

Tlaihhrem a tonnak kong he pehtlai in CHRO rianṭuantu pakhat a simi Mai Thin Yu Min hitihin a chim ve. Halkha khualipi ah Kum 4 a tling rih lomi ngakchia nute upa pakhat nih a tlaihhrem tiah kan theih. Lung a fak hringhran ko. Ngakchia kum 4 hmanh a tling rih lomi, zaangfahnak ngei loin tlaihhrem cu lung a fak ko mu. Hi kong he pehtlai in CHRO rianṭuantu pakhat a simi Mai Thin Yu Min nih a chimmi a tanglei ah kan rak taar. Video in a chimmi zong ngaih khawh a si.

A chimmi cu,” Hi bia hi zapi sinah kan sharepiak ulaw kan duh ko tiah biatangdanh in chim ka duh. July 27 ni ah Hakha a ummi kan fanute kum 4 a tling lomi pakhat nih an sang chung i upa pakhat sinin tlaihhremnak a ton. Kum lo tlingmi kan fa pakhat nih hihmanh a tonmi thil cu zapi lung a su i lung a fak. Hi thil a um hi a zumh zong kan i harh ngai.

“Hibantuk thil hi kan Lairam, kan khua ah kan fa kan nau le caah a him tuk kan timi a si. Asinain, atu bantukin kum 4 hmanh a tling lomi ngakchiate nih tlaihhremnak a ton cu lung a fak ngaingai. Tlaihhremnak kong he pehtlai in tampi rian kan ṭuan cu a hau nain, atu i kan ton ka mi te thil hin dinnak (justice) a um khawhnak hnga le thil hmaan a chuak hnga, hi bantuk thil minung pakhat sinak in zeitik hmanh ah cohlan khawh a si lomi thil ttha lo taktak tiin zapi nih kan cohlanmi, thil hman a chuah khawhnak hnga zapi nih kan tanpi a herh taktak mi step pakhat a si tiah ka zumh.

“Nihinni tiangah hi thil a cannak hi thlakhat le ni 10 leng a si cang. Asina tein, chungkhar lei siarem lonak a um suallai tiah Media tampi kan chim lem rih lo. Nihin cu chungkhar he zong bia ttha tein kan iruah dih cang. Thil sining zong upadi lei a thiammi ( a theimi) hna he tampi i chawnhbiaknak kan ngeih cang caah, hi kong he pehtlai in thil hmaan taktak a chuah khawhnak hnga le chugkhar lungthin a dam khawhnak hnga le kan fanute caah dinnak (justice) kan hmuh khawhnak ding caah Hakha ummi kan laitlai tampi nih dirpi kan hau. A bikin nu lei kong he rian a ṭanmi le nule nih hin a bik dirpi a haumi a si,”tiah a chim

“Hi bantuk ah Civil society nih zeitluk in dah kan duh lo. Zeitluk in dah hi bantuk thil hi kan huat, kan fih ti le kan fale kan nau le an him lo timi dirhmun zeitluk in dah thlen kan duh timi hi mipi kan langhter ding hi a biapi tuk. Atu tiangah Chungkhar lei zong Biaceih zungah voikhat an chuak cang i bia an chim ter cang hna. Kan fa nute zong cu bia zong an hal cang. Atu tiang ahcun Kum 4 ngakchiate a si tikah, a tem zong a tem tuk. Cun, a lungthin a fak i ngaihchia in a um rih. Kum 4 asina tein amah hi a lungfim tukmi te si i Biaceih zug zongah tlamtling tein bia zong a chim ve. Thil sual a tuahtu(a tlaihhremtu)lei bia an hal lai,” tiah a chim.

“Hi bantuk ah Civil society nih zeitluk in dah kan duh lo. Zeitluk in dah hi bantuk thil hi kan huat, kan fih ti le kan fale kan nau le an him lo timi dirhmun zeitluk in dah thlen kan duh timi hi mipi kan langhter ding hi a biapi tuk. Atu tiangah Chungkhar lei zong Biaceih zungah voikhat an chuak cang i bia an chim ter cang hna. Kan fa nute zong cu bia zong an hal cang. Atu tiang ahcun Kum 4 ngakchiate a si tikah, a tem zong a tem tuk. Cun, a lungthin a fak i ngaihchia in a um rih. Kum 4 asina tein amah hi a lungfim tukmi te si i Biaceih zug zongah tlamtling tein bia zong a chim ve. Thil sual a tuahtu(a tlaihhremtu)lei bia an hal lai,” tiah a chim.
Video ah tlamtling tein rak ngai. Dinfelnak a chuahnak hnga mipi dirkamhnak an herh. Share rak tuah ve. VIDEO

Be First to Comment

Leave a Reply

Your email address will not be published. Required fields are marked *