Press "Enter" to skip to content

Lai Nungak Singer Sui Hlawn Rem Nih Christmas Hla Thar A Sakmi Cu A Thiam Taktak Khi Si

Nungak Sui Hlawn Rem nih Christmas Hla thar “Caw In Ceo Maw” timi a van i chuah kho than cang! Lawmh a um taktak si, Kan Laimi singer lakah mitam deuh nih uar mi le duhmi a si. A tubantukin Christmas hla thar hna a van i chuah kho than hi cu thazaang pe cio hna usih! A hla bia a that lawng silo in a aw a thah ning le a thiam ning hi khuaruahhar a si!

Video in zoh a duhmi hna le thazaang pek a duhmi hna nih a tanglei bik te ah video in kan in chiahpiak hna ngaih kho cio i zuam hna usih! A tha taktak khi si.

Relchap; Teinak Cu Bawipa Ta A Si! Tu kan ram a buai lioah mitampi nih hriamnam tha le raltuk thiam hi Teinak a hrampi a si tiah micheu khat nih an ruah, a si lo ka tinak cu a si lo nain hriamnam tha le raltuk thiam hi Teinak a hrampi a si baklo tihi kan fian a hau. Kan ruah ding ah ka duhmi cu Bible chung ah ral a tu/do mi an tam lengluang, nain ralkap thawng le ralkap bu tam paoh nih teinak an hmuh lem lo! Cucu khuaruahhar ngai a si.

Mah hi ruah tikah thil pakhat khat cu a um ti a fiang ngaingai, mah vialte phen ah hin anmah le dirhmun te ah Teinak petu um, cucu zeizong viate a ser i, a semi cungah nawlngeitu Pathian a um. Bible kan zoh lengmang tikah raltuknak kong voitampi kan hmuh, mah chungah David siangpahrang pa kong tlawmte in langhter ka duh.

Nikhat cu a ralpa Goliath hen a ton ding a cheih ding an si cang ai! Minung sinak zohin le thazaang zohin cun David siangpahrang pa cu chim awk a um lo. An pumrua an hriamnam le an thazaang a thlau tuk lawmmam khi si. Nain David siangpahrang thinlung chungah tihnak pakhat te hmanh a sem lo!

Minung sinak in cun David siangpahrang pa nih a teikho nak ding lam a tlawm taktak khi si. Nain David Siangpahrang pa nih a fiang tukmi te a um! Teinak hi amah thawnnak ah a um lo zia a theih tuk. Mah zawnah hin hriamnam le thazaang tiah cun Goliath hi 100% minung zohnak cun zumh a um deuh tuk, an i phomh hlanah phaisa thap sisehlaw David siangpahrang pa sinah kan thap ngam theng lai lo.

Chim duhmi cu mah tlukin an thazaang an ngeihmi hriamnam a dang nain David siangpahrang pa thinlung ah tihnak a semlo! An i phomh ciammam i Goliath cu a cawl hmanh a cawl manhlo khah! Zaangdam takin David a nawn ko khah mu…!

Cu ve bantukin a tulio kan ram dothlennak ah hin hriamnam a chia tuk, kan thazaan tlawmtuk tilo kha a biapi ngai tiah ka ruah, Vawlei tuanbia kan zoh lengmang tikah ah ramthawng thawng hna nih Teinak an hmu peng lo! Teinak an hmuhnak cu pakhat hnih raltha taktak mi hruaitu an um peng caah si. Kan chinram zongah hruaitu raltha le Pathian 100% a bochanmi hruaitu tha kan herh cem ko.

Vawlei cung tuanbia le Bible chung kan zoh tikah ah Teinak hi minung thawng ruang le hriamnam tha ngeih ruangah a si lo. Teinak cu rlathatnak ah a um i, mah rathatnak a kan petu cu Bawipa Pathian lawnglawng a si. Cu a sullam cu “Teinak Cu Bawipa Ta A Si” tinak a si! Ka lawm!

Rak Ngai Ve Hrimhrim Hmanh A Tha Kho Taktak!

Be First to Comment

Leave a Reply

Your email address will not be published. Required fields are marked *