Press "Enter" to skip to content

Laiholh:December 3 Donald Trump thawngpang(+video)

Tutan video ka van chiah mihi minung tampi nih nan zoh cang mizong asi kho mi asiko asinain a zoh rilo mizong tampi nan um ve ri lai caah rak zoh cioding in kan nawl hna’Tutan video hi chin holh falam holh tein fiang tein an chim mi asi bantuk in siaherh nak he ka van chiah chin mi asi a tang hi video asi rak zoh ve uh.

Liante cu a pi hmuh rori ah Dolly thawn an von umtlang ti a ruahah phuhrunawk nak le dik lo ti awknak in a khat. Tenum fualfo in a thei aw hlei ce. Cuti cun thu tinkim a von ruat vivo ih Zingte a nupi dinhmun ih a tlunpi zaanih Dolly ih kawhnak ngai poimawh ih a va pan kha a sir aw fualfo thlang. Dolly thawi an caan hman daan, uanpitlak lo an thutiam pawl von ruatsal in a ning a zak. Nep fualfo in a von thei thlang. “Hiang hmuahhmuah hi ziang ka ruah ruangbik ahsaw ka rak lungkim? ” ti cu a thusuhawknak ah a rong cang.

A zaan inn a tin cu Zingte khal a zoh thei lo, inn a thlen veten a rangthei bikin a room ah a lut ih cutin a ra suaksal nawn lo. Zingte khal cun ngaihsak duh zet cingin von ngaihsak ngam si lo cun a um men san ve. A thaizing cu zingten hna ah a poksuak ih Zingte thawn kam khat hmanin an be aw lo. Sunhnu deuh hrawngah Dolly cu Zingte mawhthluk ding Liante tlun hlanah an inn ah a va feh. Zingte cu sofa ah daiten a rak to ngiaungi. Liante thawi an umtlang thok ihsi an boruak tonmi tinkim a sangsang ten a ruat nolhsal rero. Cuti a um ngiaungi lai ah Dolly a ra lut thutthi. Mak ti deuh si cun Zingte cu a hong kam ih rak donsawng danding bik thei cuang lo’n a zoh ringring men. Ngam takin Dolly cun a va pan turto ih, ”nan sungkhat mopuai ih U Liante na hruai a thian lo ruangah ttangkai takin na nu le na hmang ih!

U Liante hi thiam aw lo duahdo le phuhrunawknak ih khat ter hi sim na tumtah bik? A caklonak zawn cekci batin hitin maw na cangvaih ding? Ka duh na ti si lo sawm hiti zawngih a nun na cokbuai sak rero hi a hrangah a har dingzia ruahsak hme! ” tin a puh se ciamco cih. Theithiam lo zetin Zingte cunKa nu le hi cu kaih hnawih duh hlah, an nih in zianghman an thei lo!Na duhtawk ih i puhsiat rero hi na diriam hrih lo maw si? ” tin a hon sawn ve thlang.
“Hiang hmuahhmuah rak lo tawlrelpi tu khal hi na nu a si lo rori na ti ngam sawm? U Liante vek mi ropi tak nupi nsi ding tla hi cu a hmintthat thlak tuk si! Mai fanu neihsun hamtthatnak dingih hma lak pi lo nu le an um dah lo pi!Ahleice in nan nih vek inn sang tenau hrang phei ahcun! “Cuti khopih a nu tiang sal zohzo ih a nautat ciamco cu Zingte in a tuar thei rori lo! A duhkhop hman a ttong thluh hlan;
“A tawk Dolly!

Na duhduh hi ra ttong zuahzo ringring hlah!Ka nu thawn pehparawknak zianghman a um lo mi ah ka nu rak sal lang duh lem aw hlah” tin ngam takin a hro ve thlang. Nautat zetih hnihsan phah cun,A lo hringtu na nu a siih nangmai dinhmun tinah an pehpar aw! “Cuti maw nangteh, tui na dinhmun, mi pasal thlun kual rero ih an nu tawh dohdo hi na nu thawn pehpar aw maw? “Na hmel thawn! “A sal rualin a kut a hon hawi zawngah Zingte in a kai bet cutci ih,
“Na ngam ahcun maw ka nu hi sal lang rero aw! Na ngam zatin ka lo nor ding! Daite ka um ringring ruangah ttong na ih mi velh thiam lo ahhin i neih maw si? Na thiam hnakih turu hman ka thiam sawn mahna!
Nangmah ahhin ziang zah ding fualfo hman na um lo hi! Na hmel thawn ka nu na nei sal ngam sabai! ” tin a kut a thing hlukhli. Cuti an umdan rak zoh ringringtu an sangka ih rak ding ziarziar Liante cu Zingte in a von hmu thutthi. A va pan turto ih,

nan um tlang lai ka nu ih a lo hmuh le hmuh lo hi ka thei lo, cun, amai rinhmainak midang ih ttawmpi ve duh ah a duhduh a ttong suak zuakzo dah fawn lo. A lo hmuh hai ruangah lo ringhlel cu si sehla ziangtal i sut ding!
Asinan zianghman in sut lo. Tui kan dinhmun le boruak ton mi hmuahhmuah hin ka thin in ti na bik lo, poi ka ti mi sawn cu maw,Ka nu ih in rinnak siatsuah in,Kan neihawknak lem ruangih ka nui thinnat ding hi si poi ka ti sawn!
Hi thuhla ahhin ka nu in theihmi zianghman a nei lo ih zianghman khal in tawlrel pi lo!
Hi ka boruak ton hi cu maw keimah le keimah ka fimkhur tawk lo ruangih ka ton mi a si tihi ka cohlang ka theithiam lutuk!Cun, Dolly thawi nan thuhla khalah rak tlakzep le buainak rak tuah hi ka tum dah lo! ” a ttong cawl lawkin a mitthli a hnulih Dolly a va pan .

“Na thinlung ih rinhmainak um hmuahhmuah khal kha ka lo theithiam lutuk! Saya Liante lakih ka lungput na theih hnu sinsin ahcun, hivek ih i rinhlelh ding hi thil awm lo khal a si lo!Asinan maw kei ih ka pek thei lo hlimnak pe theitu sawn na sinak hi ka hahio lo hokhaw! Cumi zawnah hin ka lo zah sawn. Ka thik fawn lo!Saya Liante ih ngaihsak hlawh duh ah le a thinlung hmun luah ve tum khalin ka cangvai dah lo!Keicun duhdawtnak hi ka upat ih ka sunlawih! Keimai ttanghma sial tuk ruangih midang ih an tuar phah ding tla hi cu ka duh dah lo! Cutivek in thil a thleng pang ding tihi ka phang tuk sawn ringring. ” tin Zingte cu a ttong a cawl lawk. Dolly cun thin phu dukdo’n Liante a zoh ringring. Liante khal ttong ve ding thei lo’n a din kelin a ding ringring lai.
Zingte tho cun,Ziangkim hin cintawk a nei hokhaw Dolly, inn sang tenau kan si ruangah in hmu nep tla si mahna!
Asinan maw mi nun le inn sang ih harsatnak thlen duh khopih ttanghma sial le mai duhtak vial ret thupi kan si dah lo!

Kan sungkhat le vuavang ahhin zah um lo takih zahumnak hailut tum khal kan um dah lo!
Tu khalah kei khalin cucu ka tumtah ah a tel lo tihi na theih a ttha!” tiih a sim nolhsal ttheh in inn tlunah a hong kai soh san hai. Liante cun Dolly cu a va pan tthuahhtho ih, ”ka um lo sungah hivek ih Zingte ra to dingin veiziatsaw ka inn sungih na luh? ” tin a sut. Dolly cun Liante cu a zoh ringring lawk, tawkfang nawn hnu ah,
“Hivek in humhim hlehle lo awla cu daiten ka um thei ringring ding, hiang hmuahhmuah hi nangmai mawh si hi!
Na seherh ringring ruangah ka hna hi a ngam dah lo” tin ngam tak le thiam co aw takin Dolly khalin a sawn ve.
Liante cu beidon ih tuk takah a hni lamlam ih a suak sal. A rual Aungte thawi an to tlan ttheunak dawr pakhat ah a va fehih a rual a phone. “In ra to pi man kem? “”Zingte a lengah rawl ka ei pi ding na ti si lo maw? ”
“A rem sal lo sihi! “”Aw, ka ra lo umpi keicu”. Cutin Aungte hngakin Liante cu amahten zu mallai a rak in rero zo. Aungte a ra thlen in rawl a cahih an rawl cahmi a thlen veten Aungte cun selfie dingin a sawm. Mak ti deuhin Liante cun a zoh deuh lawk. “Kan rualvah kan zukawk tanak rei tuk si, Dolly thawi nan thlunawk hnu kan zukawk nawn lo kha” tin a simih cutin an rawl cahmi langin an zuk aw. Rawl khal a ei tthittha huam ve lo. “A lo el maw, Na sawmnak? ” tin Aungte in a sut. Hni hmukhmi phahih lu thingin a zu thlet mi a lem phah. Cutin ttong khal ttong tam huam lo’n a in bet rero. “A tawk thlang, na ri tuk zo duhtawk aw” tin Aungte in a dawn ih Liante cun,Ziahsaw a tir ahkhan i rak duh tihi a rak thup ih?

I duhnak hi a zahpi tinak maw si ke? ” tin Aungte lamlam a sut. Theithiam ciah lo’n Aungte cun zo’i duhnak ti a hliah ve. Liante cun, in rak duh tikha thei sehla cu Dolly ih in sawmnak kha ka lungkim pi zik lo! Inn ih ka tlunpi zaan ih Dolly ih i kawhnak ngai poimawh sawn vekih ka suahsan khal kha maw, Zingte hin i duh lo hle ih ka theihawk ruangah ka phirsit ve men mi si!I duh lo kha poi ka tilozia langter ka duh men mi kha si!I duh tikha tilang ve mai sehla hivek in ka nun hi a buai zik lo! ” tin Liante cu a phun rero. Aungte cun a von ruat khiaukhiau lawk.
Cule na duh ahcun, tu khal hi khua a tlai hrih nahen! A lo duh si, na duh ve ahcun ziangsaw na ttih? ” tin a hon fuihporh. Liante cu a hni ciamco hratih,”A thinlung hi tthen tampi ah a kuaiparh ttheh zo ding! I beisei lo thu ciah i sim ttheu! Cuih tlun ah Dolly in nasa tukin a hmuhsuam i, ahmai ah ka ning a zak tuk zo” tin beidong zetin a sim. Aungte cun, ”si lo ee! Duhdawtnak ah beisei lo tihi a um lo hokhaw, a lo duh a si ahcun maw a lo beisei ringring tinak si! A thinlung ih a hngah hlap rinhring mi na si tinak si” tin a simih Liante cun ngui khuaukhi’n Aungte a zoh ringring.

Cuti daite an to lai ah Dolly in a ra pan turto ih, ”ka parih na thinheng ruangah maw si hiti zu na in ciamco U Liante, ” tin ngaihsak hlehle in a ra topi ih Liante ih kut a kai phah. Liante cu cabuai beng khopin a hni thlohthlo lawk. Aungte cun Dolly ih umdan cu a zoh cuahco men. “Ka thei silawm, na thinlung ka ti har thei ding zia hi, ka lo tipang tuk aw, ka lo thlah ding ra aw! ” tin a phone a lakih a angki zalah paiter in a hong dinter zik.
“Tlung aw! Nunau na sikha! Ka rualin in thlah ding. Zaan hnu ah ka nupi mithmuh ih ka inn sung na luh ding hi ka duh lo! Tin aw! ” tin khoh takin thu a pe. Aungte cun hni hmukhmi in a rak zoh ringring men. Asinan Dolly cun a duh cuang lo ih a hngak ringring thotho. Liante cu tlun a duh thlang. A thinlung vaivuan ah a bike khal mawng huam lo’n ke ih ra pok a si cia ih Aungte cun a carah a luhter ih fial riai lo tak Dolly khal Liante seherh in a lut ve cih. Liante thung cun Dolly ih tham le pawk hman a duh lo lawlaw. Cutin inn cu an thlenpi. Sangka ihsi cun Zingte a ko ciamco ih thinphang ngaingaiin Zingte cun sangka a ra onsak. Neitu vek rori in Dolly cun Zingte a rak hnar hlukhli ih amah in Liante cu inn sungah a luhpi. Aungte thung cun Liante ih phone le angki Zingte a pe a in tamzia thupawl a rak sim. Sofa ah a tthum aw ih mit singin a zau men. Dolly ih a kedam a phelhsak zik hman a duh lo ih amah dai lo dingin thu a pe. Zingte cun zoh khal a zoh ringring huam lemlo ih Aungte sawn a rak bia. Liante cun Dolly ih ninhno le ngaihsak cu a ning tuk tuar lo ah,”An inn ah va thlah hnik!” tin a rualpa a fial dukdi. Aungte khal cun el tum lo in Dolly ih banin a von kaiih a suahpi. A carih a luhter zik zawngah thinheng zetin Dolly cun a kut a thing hlukhli ih,”Hitluk zuri ka tlangval hi amah hahio ringring tui kiangah ka fehsan thei lo” tin a hro ciamco.
Aungte cun,”Hnangam thlepthlep ih na rinsan thei lo mi cu ziahsaw ka tlangval na ti duh rero? Veiziat saw Liante in ka fala tiih uang aw emem ih a lo rel dah? Kei hi a rual neihsun ka siih asinan cuvek jn ka hnenah a lo rel dah lo!Na lakih a lungput hman hi a fiang reprai lo tihi na theihfiang ka zum” tin a sawn ve. “Tibuai a um tihi hmu thiam lo dingah in neih maw si? ” tin Dolly khal cun a hon sut. Hni deuh sursi phahin Aungte cun, ”Liante in clinic a on naksan teh hi na thei dah maw? A lo ruah dah maw cu ka thei lo, taktak ten maw Zingte ih ttongkam ihsi clinic onv hokhaw a si. Cun maw Zingte hi ziangtik lai caan khalah Liante in a zah ringring! A ttongkam pakhat ruangah clinic a din phah i, a nunih a ra tel veten Liante ih leitlun hi a her danglam aw vukvi!
Himi ruangah na hna a ngam thei lo a si kha!

Na ta a si ngaingai lo mi kol tum ttalh hin hlimnak a lo pek lo hi” tin a sim. Dolly cun a zum thei lo, a thin heng tukih tak ah a tthia thlohthlo thei. A clinic cu ka thupek nakin a bansan ding!Rak zoh aw! ” tin a hon sim ttheh in car khalah lut duh lo’n amahten a feh tohto. Zingte cun Liante cu a zoh ringring men. Dolly ih tham le dai ding duh loih a hnar rero dan tla von ruatin a kiangah a ding ziarzi ringring. Vei leh khatah Liante cu a mit a hon meng puppi ih Zingtei ngel hon dawhin a dir to thutthi. Phaw dekdi’n Liante a zoh pempem. tin aw nem lemlo’n a hon sut. Zingte cu a thir dukdo thei. Ahlanih Liante lak ihsi a rak phan dah lo mi phannak in a lungtur a hon kai tho dukdi. Ttong ngam lo’n a hong ding zik. “Ai! Cang hlah! ” a ttong rualin Zingte cu a kuah bet. “Mipa ka siih nupi ka nei ve i, ka nupi hi ka tham thiang lo dinhmunah ka can, cucu keimai duhhrilnak in si ti aw” ti sut phah cun kur zik cuahco khopin Zingte a zoh ringring.

“Ka cak ve tho si!Ka nupi hrangih pasal ttuanvo lak ding hi,fa neih ih pacang hon si ding tla hi ka ngam lo a si lo! Ka duh ve tuk. Asinan ka lo zah tuk i ka lo nor hrim ngam lo. Na thin ti zawngih ka nupi lo siter lanta ding hi ka ngam lo cucu na theithiam ti aw. Mipa takin ka lo melh dah lo a si lo Zingte, ka lo melh ve tuk!
Zanvar ih lo celh bet cak caan hi ka nei ttheu. In duh ti ka theih hnu phei cun ka thinlung hi maw ka uknak lengih a um caan a tam sawn”a ttong lai cawl tahratin a kut vorhlam in Zingte i kut a von kaiih, hiti ka lo dai caanih na tha malte te khur tla hi ka hngilh dah lo, hihi khalin a thei ve ringring” tin a ttang zawnah Zingtei kut cu a nam cihih a lungtur a ngaiter

Be First to Comment

Leave a Reply

Your email address will not be published. Required fields are marked *