Press "Enter" to skip to content

“Laimi Cu An Ti, An Ti” Khah Nungak Tlangval Nih Cun Reldih Ah Tha

Laimi Cu An Ti, An Ti
♤♤♤♤♤♤♤♤♤♤♤♤♤
1) Laimi cu zumhtu kan i ti nain, a tam u cu zumhlotu kan timi hna tluk hmanh in mi ngeihthiamnak nun kan ngeih lo, an ti, an ti. 2) Laimi a tam u cu Pathian ni ah biakinn panh le i pumhkhomh cu kan feltuk nain, kan pawngkam ah a rawl a tammi, harsatnak a tongmi, thihruaitu ngeih lomi, zohkhentu a ngeih lomi le a tap a hrammi hna va hnemkhi Pathian riantuan ah kan ruat tawm lo, an ti, an ti.

3) Laimi cu kan inn lo caah riantuan cu kan feltuk ko nain, kan fanu kan fapa hna nih tuchun ah zeidah an tuah i, zeitindah kan mithmuh loin an rak cawlcangh ning a si, timi tu cu kan hlat hlai bal lo caah, Laifa si cu a nuam taktak tiah Indianapolis siitama hngakchiapa kum 15 pa nih, a ti, an ti.

4) Laimi cu Pathian riantuantu evengalist le pastor thatha kan i ngeih nain, khuate lei tu ah cun varit na duh zongah cepa i lak timi theu kan chuak, tiah khuate lei ummi Chin Community Chairman pa nih, a ti, an ti.

5) Laimi cu kan tlawmte nain, buu kuai lei le riantuannak hmun i mah Lai hawi sin ah ziartian lei ah cun minthang dailo kan si, tiah ni zaan ah khan OHL Indianapolis i rian an chuah mipa nih, a ti, an ti.

6) Laimi cu kan lung ai rual ngai ko nain, kan Saya te le upa pawl bia nakin Kala pa derte le mirang tar molh chepchup pa le Indonesia pa ABC hman thiam lomi pa aw hrang nawn i a chimmi bia kan ngai duh deuh, tiah bawlung chuih i an hlan lengmang mipa nih, a ti, an ti.

7) Laimi cu kanram a bi i, a minung kan tlawm te nain, zudin le ngamtak tunglo buaibai lei ah cun UNHCR pi hman a hna bei kan dong i, damiah misual le police tiang in kan hranter viar hna, tiah Ambi Lai dawr tuah pawl nih an hna beidongnak an chim, an ti.

😎 Lainu cheukhat cu Laipa sinah an fel i, an zintuk nain, Laimi mithmuhlonak vampangkil ah khin cun an ngam a rak sang dawm, tiah Hotel hngakpa pakhat nih a chim, an ti.

9) Laimi cu kan va hmuh theng lomi missionary caah cun kan siangtuk ko nain, kan fa le caah nichiar cawnpiaktu saya te lahkhah kong tu cu kan theih a tlawmtuk, tiah saya pa pakhat nih a ti, an ti.

10) Laimi cu mi koktlawng tuk kan si hlei ah, ram 2nk le ran 3nk um cangmi hna cu, an mileng pawl nakin an phone bih kha a biapi deuh ah ah chiah cang caah ningzah pangpah nawn ah cun len ngamding an si lo, tiah kawlram lei pastor pa nih a ti, an ti.

Cucaah Bible nih hi tihin a ti, an ti: Pathian nih hin minung hi tling tein an kan ser ko, sihmansehlaw kanmah le kanmah nih hin hnawk ngai ah kan i ser – Phungchimtu 7.29. ‎Chelsea Bawi‎

Be First to Comment

Leave a Reply

Your email address will not be published. Required fields are marked *