Press "Enter" to skip to content

Laimi Kan I Semnak Kawl Ram Ah Covid-19 Mizaw 70000 Leng Le A Thimi 1500 Leng

Laimi Kan I Semnak Kawl Ram Ah Covid-19 Mizaw 70000 Leng Le A Thimi 1500 Leng: Kawl ram hi hlan lio Laimi tuanbia a theimi kan Lai mifim cheukhat hna nih cun Laimi kan i semnak ram a si tiah an chim i a cheukhat kan Lai mifim zeimawzah nih cun kawl ram hi si loin Laimi kan i semnak ram hi Taluk kan timi China hi a si tiah an chim ve. Chin timi min zong hi China in a rak ttummi a si tiah an chim ve i a tu tiangah hin cun zei deuh dah a dik timi hi fiang tein an chim kho rih loh.

Zei a si hmanh ah kha kong kha cu van mer taak rih u sih law a tu kan langhter dingmi cu a tu lio zawtnak kong a si lai i kawl ram hi a tu lio zawtnak nih a nenh chinchin timi kong a si rih lai. Nizan tiang ah khan cu ni khat chungah hi zawtnak a ngeimi hi kawl ram ah minung 1167 an rak si hna i cu caah hi zawtnak a ngeimi hi kawl ram ah an zatein fonh ahcun minung 70161 an si cang tinak a si. Cun nizan tthiam tthiam ah khan ni khat chung lawngah hi zawtnak in a thimi hi minung 22 an rak um i a tu tiangah cun kawl ram chungah hi zawtnak in a nunnak a liammi hi an zate in minung 1599 an si cang tiah theih a si.

A sinain thawngpang ttha ngaingai a si vemi cu kawl ram ah hin hi zawtnak a ngeimi mizaw chungin damh a si tthanmi hi minung 53299 an si cang timi hi a si. Cu caah kan umnak ram dang cioin kawl ram ah a ummi kan chungkhar ca cioah thla cam tu hi teima ko hna u sih timi hi chim kan duhmi a si i a tu lio zawtnak damhnak siiai an sermi kongah hin US ah dirhmi Moderna nih a sermi siiai cu 95% in hi zawtnak hi a kham khawh tiah theih a si ve cang. Cu caah rau lo teah maw hi zawtnak hi a reh zau khomi zong a si cang i a tu ko ah hin cun bia fehter timi hi a fawi rih lo lio a si.

Be First to Comment

Leave a Reply

Your email address will not be published. Required fields are marked *