Press "Enter" to skip to content

Laipa Kum 57 Cu Mizoram Serchip khua pawng Mat tiva ah A Ruak In An Char , A Nih Hi >>>>>>>>

Mizoram Serchip khua pawng Mat tiva ah Lai pa a ruak in an char
——————————————————

Mizoram Serchip khua pawng Mat tiva ah Serchip khuasa Lai pa Val Mang Kham, kum 57 cu khuami nih a ruak in an char tiah kan theih.

Val Mang Kham cu Kalaymyo peng Natchaung/Hakhalay khuami a si i Serchip ah khua a saknak kum 20 leng a si cang tiah theih a si.

“Anih hi Serchip ah a umnak kum 20 leng a si cang. Lei thuan aa hlawh lio ah a thih hi a si. Zei ruang ah a thih ti cu hngalh a si rih lo,” tiah Serchip um Thangzang khuami Manui nih The Hakha Post ah a chim.

Val Mang Kham cu Serchip khua ah amah lawng in khua a sa mi a si i a chuahpi a u Pu Bual Hre hi Tahan Sanmyo ah a um tiah theih a si.

A ruak cu sii-inn ah hlai le check a si hnu ah vui a si te lai tiah theih a si. Lei a thuanpiak mi Valduha inn ah a ruak suan an timh i cu hnu ah vui colh ding in an timh tiah kan theih.

Fiang deuh in theih a duh mi nih; Manui, Ph. 0918730908102 ah hlathlai le thawng hal khawh a si.

Photo: Serchip khua
#TheHakhaPost

Be First to Comment

Leave a Reply

Your email address will not be published. Required fields are marked *