Laksawng Puitling Bak Mi Pa 5 Bak A Ngah Cang Tu Hlasakthiam Benjamin Sum Hi A Laksawng Ngah Mi Pawl Hi Van Zoh Ve Law An Mak Ko

Hlasakthiam Benjamin Sum cu music lei ah a hlawh a tling thuahmah cang i, 2020 chungah laksawng puitling bak mi pa 5 bak a ngah cang ko hih, Idol ai zuam hnuin kawl hla fung 3 a chuah cang i fung 3 in mipi nih an duh dih mi a si.

Kawl hla a chuah hmaisabikmi “Pyan Twan Meh Yet” cu Joox Myanmar ah top 1 a si khawh bantuk in zarh 8 chung bak top 10 i a lang kho mi a si. Nikhat chungte ah view 1 million um kho mi a si. Facebook pages ah view 3.1m an um cang iYoutube ah 264k view a um cang. Ramchung Radio i chuah zungzal a si pin ah Japan Radio Love FM zong ah chuah a si.

Kawl hla fung 2-nak a chuahmi “Hobak Eainka Kuang malay” timi cu Joox Myanmar ah top 6 luah kho le zarh 8 chung top 10 i lang kho mi a si. A chuah hnu nazi 15 chungah view 1million a tling kho.. Tu ah facebook view 3.5m a nei cang i youtube ah 1million view a um cang. Hi hla zong hi Myanmar ramchung Radio phunphun i chuah zungzal a si pin ah Japan Radio Love FM zong ah chuah ve a si.

Kawl hla fung 3-nak a chuahmi “Night Mode” cu Lyrics video lawngin a chuahmi a sinain, Joox Myanmar ah top 1 a luah khawh i zarh 5 chung bak top 10 ah a lang kho. Facebook ah view 412k le Youtube ah view 34k a um cang. Hi cu video official i chuah a si lo tikah a ngaih in a ngai mi an tam deuh.

pumpak silon in hnunkhat sak mi ah “Home Christmas” timi cu Saya Sangpi he an sak i “Ziangruangah” timi cu Lal G he an sak. Cun,Idol zuam nak an dih kaahJudge Phyu Phyu Kyaw Thein he “I can’t Help Falling In Love With You” timi Cover hla an rak chuah. Chin ramkulh sinpi vuanci U Soe Htet i thithruai nak in tuah mi “Surbung Lay Sik” timi a hla zong Official tein thlah a si hlanah a leak out nain,zohtu mipi tam tuk le mipi duh tukmi hla a si.

A bu in “Dawtnak Ka Nei” timi hla ,”Ral Le Daihnak” timi hla , “Stop” timi hla ,”Beidong Men hlah” timi hla le “Virus” timi kawl hla pawl ah a tel ve. Laksawng puitling a ngahmi pawl cu “Joox Myanmar Half Year Artist Award, Shwe FM Music Award, Chin Artist Of The Year , Joox Myanmar Popular Song Award le Padamyar FM Song Of The Year” pawl hna an si. Credit : VAPUAL AUAW