Press "Enter" to skip to content

Lomhpi Cia Hna U Sih Dr.Ngun Sui Kim Cu Rampi Huap Rian A Tuannak Ah Sinak Sangbik Pek A Si

Chin nu Dr.Ngun Sui Kim cu January 22 ah Myanmar rampi huap rian a tuannak Department of Myanmar Nationalities Languages ah sinak sangbik dirhmun pek a si nak thawngtheih a si i lunglomh awk tlak ngaingai a si. Tu ahcun Department of Myanmar Nationalities Languages ah hrusitu bik dirhmun Editor-in-Chief timi Director sinak he ai khat in a um cang.

Hi bantuk dirhmun phan ding ah Dr.Ngun Sui Kim cu biatak tein a rak i zuam i Degree tampi a la cang mi a si. A cawn mi pawl le bang cu Yangon Sianginn a sang mi ah Anthropology ,Caan pekmi 1991- 1994 , Degree Ngahmi B.A (Honors) ,Degree Ngahni December 1994. Yangon sianginn sang mi ah Anthropology ,Caan pekmi June 2003-March 2005, Degree Ngahmi M.A, Degree Ngahni 29-10-2005. Yangon sianginn sang mi ah Anthropology ,Caan pekmi June 2010-2011 June (Preliminary Course) 2011-2015 (Thesis), Degree Ngahmi Doctor of Philosophy, Degree Ngahni 22-11-2015.

Riantuanmi – Myanmar Nationalities’ Languages ah Editor-in-Chief a ṭuan cuahmah lio a si i 2016 kum in tuan hram a rak i thok cang. Zungpi, Nay Pyi Taw , Myanmar ah a si. Culo dang Mandalay siang inn sang mi ah Lecturer in 2014 kum le 2016 kum karlak a tuan. Lecturer sontu (A/L) cu 2008 kum in tuan hram a rak i thok. Yangon sianginn tha mi ah cawnpiak tu dirhmun in 2003-05 karlak a tuan. Mandalay sianginn tha mi ah ca chim tuin 2002 le 2003 kum chung a tuan. Sea Sun Star Travels and Tour Company Tour-operator sontu ah kum khat a tuan (2001-2002 ).

Cherry Myae Pearl Sum cazin tlaitu ah kum khat a tuan i 2000 in 2001 kum chung a si. Home and Décor Sum cazin tlaitu zing ah 1999 in 2000 tiang kum khat chung a tuan. Myanmar-Brunei ah General Secretary rian cu 1997 le 1999 kum chung a tuan. Catholic Bishops cu thlahlawh la loin, kum 2 chung 1995 in 1997 kum tiang a tuan. No.2 Basic Education a langte cawnpiaktu dirhmun in 1988 le 1989 karlak ah thla 10 chung a rak tuan.(Chin TV)

Be First to Comment

Leave a Reply

Your email address will not be published.