Lomhpi Cio Hna U Sih Ramdang Bak Ah Myanmar Nute Nih Ting 2500 Aungbali A Ngah
January 17 ni i an onmi Thailand ram Aungbali cu Myanmar nute nih number 384395 hmangin pakhatnak laksawng a ngah i a ngahmi chawva cu Myanmar in ting 2500 renglo a si. January thla hrang Thailand Aungbali pakhatnak ngahtu Myanmar nute cu Mah Zani Aung ( kum 27 ) a si i cetzung ah riantuan in ai hlawh mi a si. Myanmar ah Pago ramthen Phyo myone khuate ah um mi a si. Tu ah Auangbali pakhatnak a ngahmi cu Thailand i Myanmar minung pawl bawmtu AAC pawlkomh in an buaipi i Myanmar ah an kuat piak lai.
Cu kong ah cun AAC hotu Ko Ye Min nih cun “kan hnuah Thailand aungbali pakhatnak laksawng a ngah nak kong an kan chimh i rianrang tein a mah cu humhim nak ah kan umter colh. Tuini ah aungbali a ngahmi cu kan chuahpiak lai i Myanmar ram ah kan kuat piak lai.
Aungbali a ngahmi cu Thailand tangka in 6million bak a si i Myanmar cun ting 2500 renglo a si lai. A nulepa sinah chawva an kuat hmasa lai i a mah cu a hnuah a tlung te lai. zeiruang tiah cun, covid 19 ruangah ramri an khar rih” tiah a ti.
Thailand ah Myanmar mipi pawl buainak an ton a siah cun, AAC nih cun a buaipi zungzal i Aungbali ngahtu pawl zong an duhning in an buaipi hna. Thailand ram chungah Myanmar minung 26 hrawng nih Thailand Aungbali pakhatnak laksawng an ngah i an buaipi dih tiah Ko Ye Min nih cun DVB thawngpang ah an thanh. ( DVB )
