Press "Enter" to skip to content

Lung A Fak Ko Mu Lal Siam Thara dam Lio I A Video Nih cun Mipi Mitthli A Tlak Ter Dih

A tlau hnu ni 7 nak i an hmuh mi Lal Siam Thara ruak cu Vairengte ramri, Tuidai khur in an chuahpi cang i, Aizawl in a ra mi forensic expert pawl nih November 18, zinglei nazi 7 ah zoh fel nak le check nak an nei lai.

Kum 2 le a cheu a si mi Lal Siam Thara a thih nak nih hin mizaram a hninh ter dih i kanmah chin mi tiang nih faktuk in kan rak tuar ve. A thawngpang nih online a hninh dih i a chungkhar nih a dam lio i, Video an zeih mi zong online ah tampi hmuhding a um.

Mah cu a video a zohtu vialte cu an mitthli a tla dih cio. 2020, November 11 ih thil cang mi Lal Siam Thara pa, Pu C.Zo Than Mawia cu Auto Rickshaow mawng in pawcawm mi a si i, Covid 19 boruak le ramri buainak ruangi Petrol har ah Vairengte khua leng i Vai pawl sin ah a va rawn tawn.

November 11 zing ah Petrol caw ding in a fapa le an inpa i hngakchia ai kal pi hna. Cuticun thlam ah an pahnih in a chiahta hna.A mah cu Petrol caw ding cun a va kal.

Petrol caw ding i a kal mi, Pu C.Zo Than Mawia a kir tik ah cun a fapa cu a rak um ti loh. pawngkam lokal mi pawl nih nau tah thawng cu an theih ko nain an hmu kho hrimhrim ti loh. Cuti cun pate cu an khua mi vialte nih an kawl lengmang i an hmu kho ti loh.

November 17 kha a ni hmahnung bik ca lungdong ngai in an va kawl than i, zanlei nazi 2 luan hrawng ah khin, Lal Siam Thara cu thi cia in a ruak an char. Aruak an char nak cu a pa` tantanak Thlaam in km 3 hrawng hlat nak Cachar le Vairengte ramri iTuidai khur ah a si i mithi Lal Siam Thara cu ti cung ah bawkkhum in a rak um.

Lal Siam Thara ruak hmu tu pa Pu Temple Mawia i chim mi,Tui zing kan rawl ei thlacam ah Pathian sin ah thla ka cam a dam i si zong ah a ruak in sizong ah kan hmuh ter ko tiah Pathian ka hal cucu ka zumh fawn. Asinain ramlak kan van kal tik ah cun ka thlacam mi cu kai chinchiah ti loh.

Cuticun kan kawl thluahmah ko i, a dongh nak ah tilak ah ka hmuh ti zong a fim tuk i fiangten ka hmuh khawh a siko lai ka ti caah midang ka phone hna. Cun meithal zong vawihnih ka puah i minute 45 hnu ah midang an rak phan ve.

Hithil a cang mi hi a poi ka ti tuk sinain a ruak in kan hmuh khawh mi zong hi kan van a tha tiah ka ruah. Pathian sin zong ah lomhnak bia ka chim. Bawipa kai lawm tuk keimah hrimhrim nih ka hmuh mi hi tiah ka ti kai lawm tuk e.

Lal Siam Thara ruak zohfelnak an nei lai. Khuaruah har tak in nau ruak an hmuh nak hi khahlan zong ah vawithum hrawng an rak kawl cang nk a si i cu zong ah cun zeihmanh an hmu loh. Cu i ni 7 nak i an va hmuh mi cu mi lung a hring cio dih. Cuih hmun thotho ah nisarih nak ih an hmuhsuah sal mi hin mipi Lung a ti hring zet.

Asinain mithi ruak ahcun hliam hma le i khawn nak zeihmanh a um loh tiah tuanvo neitu pawl nih an chim. Tu ah, Lal Siam Thara ruak cu an hmuh nak hmun in an phur hnu ah mithi chiah nak ah chiah rih a si i, Aizawl forensic expert pawl November 18, zinglei i a ruak an check hnu ah vui nak programe an nei lai.

Be First to Comment

Leave a Reply

Your email address will not be published. Required fields are marked *