Press "Enter" to skip to content

Lung A Fak Tuk E : Ralkap Nih Luh Hnawhnak In A Thi Mi Chin Nu Cu A Ruak An Vui

Ralkap nih luhhnawh ruang ah inn cung in a tla i a thi mi Chin nu Lianzuali cu March 23 zaanlei suimilaam 3:00 ah ruak a vui cang. Mah kan chin nu nih a ton mi kongaah le a thih ning a miphun hawi hna nih kan theih tik ah lung thinn a fak hrinhran ko, ralkap pawl a hei ttih tuk ve ko hna la cu va si kaw attih bu tein a zaam nak ah mah thih nak tiaang a phak nak hi a si a poi hringhran ko mu. tan tak mi chungkhar Bawipa nih hnem hram ko hna seh.

thawngpang dang relchap >>>>>

KNU Nih Ram-Ui Hna Sinah Ti Le Rawl Phan Kho Lo Dingin An Kham Piak Hna
==============================================

Than Lwin rili kam ah a taangmi facang, chiti, letphatcar, sa kuang (α€‘α€žα€¬α€Έα€—α€°α€Έ) ti bantuk tam nawn cu Myanmar ram-ui ralkap sakhan ah phan kho lo dingin KNU ralkap Battalion-5 nih an kham tiah theih a si. Kayin ramkulh Phapon District chungah kahnak a zual deuhdeuh ruangah atu abntukin KNU nih lam an phihnak hi a si.

Ram-ui ralkap nih ramchungin ti le rawl an lak khawh ti lo caah Thailang lei ah facang dip 700 le chiti an cawk nain KNU nih an ram chungin kal/phawrh an sianh hna lo caah rili kam ah nithum a taang cang.

KNU battalion-5 in chimnak nawlngeitu Major Saw Kaledo (α€…α€±α€¬α€€α€œα€šα€Ία€’α€­α€―) nih β€œAn sinah facang a phak khawh lonak dingah kan kham hna. Cucu an duh lo i facang dip an rak phurh a si ahcun kan ram chung a si caah a herhning in kan cawlcang lai. Atu cu mei a kangh hlanah ti toih bantukin a nemnak tein kan chimh hna. Buainak nganpi a um lonak dingah kan khammi a si. An zulh lo i an rak phurh ahcun tuanvo kan la lai lo” tiah a chim.

Cu lawng si loin KNU battalion-5 nih cun ram-ui ralkap hna caah ti le rawl a phurh piaktu hna cu kan ngaithiam hrimhrim hna lai lo tiah Kawlholh le Thailand holh in cathanh an chuah.

Source: Irrawaddy News

Be First to Comment

Leave a Reply

Your email address will not be published. Required fields are marked *