Press "Enter" to skip to content

Lung A Fak Tuk E : Ram Le Miphuin Ca I A Nunnak A Liam Mi Nungak Mya Thet Khai, Hi Upat Awk Tlak Taktak A Si

Nihin Sandah piahnak ah Police nih Meithal an hman, minung cheukhat zong hliamhma fak ngai an tuar i Myat Thet Khai kum 19 nute a nunnak a liam. Ralkap uknak kan duh lo tiah ram mipi dihlka sandah piahnak ah a nunnak a liam hmasa mi, Myrta hmasa bik cu Myat hi a si ko, tuanbia nih a min a chim peng cang lai.

Nungak Myat Thet Khai hi kum 19 lawng a si rih, ram mipi zalennak caah le ralkap uknak a rawh khawh nak ding caah raltha taktak in sandah a piah tu asi i hmaisuang ah a um mi, Myrta hmasa bik a si. A tu hmanthlak kan tar mi nute hi Myat Thet Khai cu a si, nungak tleirawl, muidawh te a si, nulepa le chungkhar kal tak in ram mipi caah a nunnak le thisen a pek.

Cun a tu Police hmanthlak kan rak tar mi hi lainawn tu, Nungak Myat Thet Khai a that tu, thi lak in Meithal in a kap tu cu asi. Ram mipi zalonak a duh lomi le ralkap hramhram uknak a duh tu Police pa nih mi raltha Myat Thet Khai cu a thah hi asi.Nihin sandah piahnak ah Police nih tharung an hman cang, cu caah UN zong a lau ngai.

Kawlram hrambunh UN nih cabia an thlah colh ve i Ralkap le Police nih zapi covo upat hna seh, tharung hmang hna hlah seh, zalon tein sandah piahnak nawl onh hna seh tiah cabia tampi an tarlangh ve cang.Rampi caah thisen le nunnak a pe hmasa tu nungak Myat Thet Khai upatnak caah rak share ve, raltha tein Sandah piahnak peh rih hna usih.

Thawngpang dang relchap >>>>>>>

Myanmar Police Chungin Minung Pakhat Cu Mipi Lei Ah A Tang Cang A Hawi Le Zong A Sawm Hna

Tu lio kan kawlram chung cu khua ci mui kan si ko. Suu Kyi vial nih khan cun Ralkap le Police vialte kha thleidan um lo tein a dawt hna i, rualrem tein an chiattthatnak ah a zohkhenh hna. Ana ting tu Ge-Min Aung Hlaing vial nih cun zeihmanh ah a rel hna lo i lam cungah rawl lo duk dak in an um lio caan zong ah zeiah a rel piak hna loh, an thih zong ah zeipoi loh ti bak khin a zoh sawh ko hna.

A Tulio kan kawlram ah thil cang cuahmah lio mi Mipi nih duh lo nak, Sandah piahnak ah rian a ttuanmi police pawl cu inn lawi le rawl ei zong an senh hna lo i lam kam ah an ih ter hna. Rawl zong a phungmen lawng an pek hna. Tu chun ahcun Naypyitaw ah Police pakhat nih a meithal a chiah i Mipi hmai bak ah a ttah buin Ralkap duhlonak a au pi ve cang. Mipi an i lawm tuk. Police a hawi le dang vialte zong sandah piah ding in a sawm hna. mah a sawm nak hna hi a tlam tlin i a hawi le zong nih thil ttha ah an ruah i a sawm khawh nak hnga thlacam nak in kan kawl ram caah thlacam nak he bawm peng ko rih hna usih.

Be First to Comment

Leave a Reply

Your email address will not be published. Required fields are marked *