Press "Enter" to skip to content

Lung Thli Tum:Ka min Pu Zo Bawi sin ah an zuar.

A ka huatu hna nih keimah thangchiat duh ah Pu Zobawi sin ah ‘Lungthli Tum nih Leitak Zipi facang tunkhat cio a cawk piak hna’ tiah lih bia an va chim. Cucu Pu Zobawi zong nih a zumh sual ve caah media sin a chim than ve.

Leitak Zipi ah facang ka cawk piak bal hna lo, cawk piak ding biakam zong ka tuah bal lo. Hi kong cu Leitak Zipi khuami nih fiang tein an theihmi a si ko. A dang khua zong ah facang ka cawk piak bal hna lo. Zipi khuami nih an ka dawt, mitha lawngte an si. Lih le hrawkhrol in Leitak Zipi le keimah kong chim hi ngol cang u.
Biden kong a si a tang hi:

US thimnak hnu bik thawng By Salai C Alexander: President thimtu ding minung 270 caah Biden nih 264, Trump nih 214 ti tiang kha media sin in a donghnak bik theihmi a si. Biden caah 264 timi khi a dik lo kho men, cucaah Fox News nih “mah bantuk in projection nan tuahmi khi hloh uh” tiah Trump campaign nih an fial hna.

Nain, Trump hruh ṭanh le molh ṭanh in a ṭanh tawntu Fox nih an duh lo. Kan leet kho lo, aa palh ti lai lo, tiah an leh hna. Trump te phu nihcun Michigan ah mithi ciami nih thimfung an thlak, Wisconsin ah Trump a petu thimfung 100 renglo hnawmpung ah an hlonh tbk in Biden te phu cu a phunphun sual an phawt hna.

Nain, cucu BBC nih fact checks a tuahpiak dih cang hna. Lih le ṭawncop an rak si. Biden caah elector vote 6 lawng umnak Nevada a lak ahcun a dih. Trump caah cun, atu i an rel rih lomi thimfung vialte a dihlak in a lak khawh lawngah President si kho ding khi si.

An von rel ciammam. Atu Georgia hmanhah, Biden nih a hruai cang. Pennsylvania an dirhmun khi, kei, media ka rak banh tawk ah ka thei tuk hna lo. North Carolina kha Biden nih a rak huum ngai ti tiang ka rak theih. Cucaah, South Carolina in Franklin Graham nih NC lei cu Trump caah mipi a va hrihhawh hna ti tiang kha ka rak dawi khawhmi si. NC hmanh khi Biden caah ruahmi a rak si tinak mu.

Nain, tu cu, Trump te phu cu biaceihzung ah tazacuainak ca an va chia cang. Tazacuai ding bakin ready in an um. Amah Trump Facebook hrim ahcun, amah nak mihrut deuh lawngte nih forhnak le, uico sehter timh phun in an faknak lawngte khi hmuh a si.US ram politics umtuning khi, tuan zong ah, Reps pawl cu an ṭhawng, an pical. Republican uar an rak um bak, Kawlram kong hrim zong ah.

Nain, Trump bantuk minung chan a von phanh tikah, khi pi nih Republican a rak aiawh bal vemi tu khi cu tuanbia ah an ichiatchuah thainak a si sual te khomi si.Ka hawikom tampi nih Trump uarmi nan tampi lai. Phundang ah ruat hlah uh. A ti lo tukmi khi cu a ti lo tuk ko ti ko uh, Khrihfa ka si ai ti i ai puum bal taktak maw, hodah a hngal?

Abortion, Anti-abortion, same sex marriage, khikhi Khrihfa nihcun cozah hruaitu rian ah chiah awk si lo. Pastor pawl rian a si.Pastor nih an rian an ihngalh ahcun, Trump bantuk ramkhel hlawknak duh ah biaknak hriamnam hmang riangmang in kan zumhnak a thurhnawmtertu minung khi va ṭanh a herh lo zia kan ifiang ko lai

Be First to Comment

Leave a Reply

Your email address will not be published. Required fields are marked *