Press "Enter" to skip to content

Lungretheihnak le beidonghnak nih a thahmi’ Mirum Pa Macheal Jackson’Konglam tawi.

Nihin (June 25) hi “the king of Pop” tiah auhmi hlasak le lam thiam, Michael Jackson thih ni a si. A.D 2009 ah a thi i atu hi a thihnak kum 10 a tlin ni a si.

Michael Jackson chan lio ahhin nihin bantuk in social media zong a rak thawng rih lo, smart phone hman zong a rak har deuh ngai lio caan a si; Kawlram ca le bang ahcun.

Sihmanhsehlaw a minthannak hmual a fah tuk hringhran caah, zeihmanh nih a kham kho lo; Lai khuate tiang nih kan hngalh dih cikcek.

Kan Lai tuak te hmanh in, “Pop hla/lam siangpahrang” tiah min an pekmi hi a si hrimhrim awk a si, tiah ruah khawh a si. Nihin tiang ah a nung balmi hlasak thiam ahcun minthang bik a si ko!

A rum zong a rak rum ngaingai an ti. Amah pumpak zohtu ah thla khat $150000/- in doctor aa hlan, company tampi a ngei i security guard le zei he siangpahrang bantuk in khua a sami, mirum le minthang pa a si!

Sihmanhsehlaw a rumnak le minthannak nih lawmhnak le hnangamnak an pe kho lo; lungretheihnak le beidonghnak nih a rak thah!

A chuahpi unau he phaisa i cuh in an rak buai tuk, a sipuazi a tlak deuh caah a company riantuantu hlawh a rak pe kho ti hna lo, cun kum tling lo ngakchia na sualpi hna, tiah taza an rak cuai mi nih dang khat in a bei a rak donghter tuk ve fawn.

Beidonghnak le lungretheihnak nih a nun a tei tuk cang caah a hngilh hrimhrim aa hngilh kho ti lo; chun he zaan he. Cucaah i hngilh khawhnak ding caah sii luan tuk luammam in a rak i chunhnak in A thih kha a si.

Mirum le minthang nih hnangamnak le lawmhnak an ngeih tiah na ruah sual ahcun cucu na palh; Jesuh khrih ngeitu hna nun lawng lawng ah lawmhnak taktak~~mah sining le dirhmun te ah diriamh khawhnak nun cu a um!

Kan kawl mi i palh hrimhrim hna hlah u sih!
By:Pastor Hram Bik Lian

Be First to Comment

Leave a Reply

Your email address will not be published. Required fields are marked *