Press "Enter" to skip to content

Lungthin A Fak Tuk! Mindat Ah SAC Ralhrang Bomh Aa Lamh Sual I, A Ke A Tanmi Hngakchia Yangon Sii-inn A Phan Cang

Mindat kan fanu te rallokap hmanhmi bom aa lamh sual i a ke khat lei aa tan. A nu nih a hmun lila ah a thih tak.

Yangon sizung ah an rat pi i, va len khawh ka tim. ✍️Maw a thawngmi Pathian kan mi hna rak khan ven piak law, kan miphun kan dir pi in, kan bawm chan ko sawh. Crd: Thawng Tha Thang

Natogyi ah ralhraang pawl bomb puah an tong; 23 an thi i 17 hma an pu. December 6, 2021, Mandalay ramthen, Mingyan pengkomh, Natogyi peng chung ah hmunhma thianh ah aa chawklet mi ralhraang pawl cu December 6 zing ah 27 Revolution Forces le Natogyi PDF nih bomb an puah hna i ralhraang 23 an thi, 17 nih hliam an tuar tiah 27 Revolution Forces nih an thanh. “Natogyi peng Kyauktan khua lamtonnak ah bomb paruk in voi hnih kan puah hna,” tiah 27 Revolution Forces nih an chim.

Khayan Peng Palek Sakhaan le Fimcawnnak Zung ah bomb a puak i ralhraang pathum an thi. December 6, 2021, Yangon Ramthen, Khayan Peng Palek Sakhaan le Fimcawnnak Zung ah umhmun a khuar mi ralhraang pawl cu Khayan PDF nih December 5 zaan suimilaam 8:20 hrawng ah a lang in control mi bomb pathum in an puah hna i ralhraang pathum an thi, 7 hliamtuar an um tiah tualchung thawnghram in kan theih.

“Khayan kan thi a dai lo, kan tuanbia a chia lo ti kan langhternak a si. Kyeemyindaing ca zong ah phuba kan hlam mi a si” tiah Khayan PDF nawlngeitu nih Khayan Channel ah a chim. Ref. Khit Thit Media

Tigyaing peng kahdohnak ah ralhraang 15 an thi, Tigyaing PDF in pakhat nih nunnak a pek ve. December 6, 2021, Sagaing ramthen, Tigyaing peng chung kahdohnak ah ralhraang 15 an thi i Tigyaing PDF in pakhat nih a nunnak pek ve tiah Tigyaing Revolution nih an chim.

Tigyaing peng, Tonlon khua i umhmun a khuar mi ralhraang 68 cu nihin zing ah Cheikthin khua lei ah motor pahnih in an kal lio ah Tigyaing PDF nih bomb in an puah hna hi a si.

Tigyaing Revolution nih, “Motor pakhat cu dengteo te in a khen ca ah aa cit mi ralhraang 15 an thi, hliamtuar zong an um. Ahnu in a ra mi motor pakhat cung in hriamngan in an kan kah ca ah Tigyaing PDF in pakhat a thi ve,” tiah an chim. Crd; The Hakha Post

Be First to Comment

Leave a Reply

Your email address will not be published.