Ma Soe Mi Mi Kyaw cu SAC ralkap hremnak a celh ti lo ruang ah spirit ding in thah aa tim nain a thi lo
Ma Soe Mi Mi Kyaw cu SAC ralkap hremnak a celh ti lo ruang ah spirit ding in thah aa tim nain a thi lo. September 20 lio Tanintharyi Ramthen, Dawei khua ah SAC ralkap nih an tlaih i an hremnak celh ti loin mah le mah thah aa tim mi Ma Soe Mi Mi Kyaw cu spirit a ding nain a thi lo, tiah theih a si.
September 20 ah SAC ralkap nih Ma Shar Pyae Khin cu Online in an hlen i changreu an cah. An tlaih i an hrem hnu ah Ko Soe Pyae Aung le Ma Soe Mi Mi Kyaw umnak an halchih i an va tlaih ve hna.
An pathum cun fak tuk in an hrem hna i Ma Soe Mi Mi Kyaw cu zun-inn ah a thli in spirit a ding nain a thi lo i Ralkap Sii-inn ah an kalpi, a kong hngalh dih khawh a si rih lo.
Atu hi Ko Soe Pyae Aung le Ma Shar Pyae Khin cu Dawei Palek sakhaan ah an chiah hna, tiin Dawei University Siangakchia Nu nih an thanh, tiin KTM nih a tial. Credit : The Hakha Times
