Press "Enter" to skip to content

Mah Hna Pa 6 Hi Tleih Dingin Min Aung Hlain Nih warran A Chuah Hoi ko Cang Hi.

လူမင်း၊ ပြေတီဦး အပါအဝင် အနုပညာရှင် ၆ ဦးကို ဖမ်းဝရမ်းထုတ်
စောဖိုးခွား

စစ်တပ်အာဏာသိမ်းတဲ့ လုပ်ရပ်ကို ဆန့်ကျင်ကြောင်း ပြည်သူတွေနဲ့အတူ ကန့်ကွက်ဆန္ဒပြနေတဲ့ အနုပညာရှင် ၆ ဦးကို အာဏာသိမ်းစစ်ကောင်စီက ဖမ်းဝရမ်းထုတ်လိုက်ပါတယ်။

သရုပ်ဆောင် လူမင်း၊ ပြေတီဦး၊ ဒါရိုက်တာ ဝိုင်း၊ ဏကြီး၊ ကိုပေါက်နဲ့ အဆိုတော်အနဂ္ဂ တို့ ၆ ဦးကို ရာဇသတ်ကြီး ဥပဒေပုဒ်မ ၅၀၅-က နဲ့ တရားစွဲပြီး ဖမ်းဝရမ်းထုတ်ထားတယ်လို့ စစ်ကောင်စီက ဖေဖော်ဝါရီလ ၁၇ ရက်နေ့ ဒီကနေ့မှာ ကြေညာပါတယ်။

သူတို့တွေဟာ ထင်ပေါ်ကျော်ကြားမှုကိုသုံးပြီး နိုင်ငံဝန်ထမ်းတွေ ဆူပူဆန္ဒပြလာအောင် လှုံဆော်ပေးနေသူတွေလို့လည်း စွပ်စွဲလိုက်တာပါ။

သရုပ်ဆောင် ပြေတီဦးက ” လက်နက်နဲ့ အနိုင်ကျင့်တာကို လုံးဝလက်မခံနိုင်ဘူး၊ ဒီလိုစနစ်မျိုး ဒီလိုအခြေအနေမျိုးကို လုံးဝလက်မခံနိုင်လို့ ဆန္ဒပြရတာ၊ ကိုယ့်နိုင်ငံအတွက် အရမ်းထိခိုက်ဝမ်းနည်းရတယ်” လို့ ဖေဖော်ဝါရီလ ၁၂ ရက်နေ့က တရုတ်သံရုံးရှေ့မှာ ဆန္ဒပြနေစဉ် RFA ကိုပြောပါတယ်။

ရုပ်ရှင်အနုပညာရှင်တချို့ဟာ ၈၈ မျိုးဆက် ငြိမ်းချမ်းရေးနဲ့ ပွင့်လင်း လူ့အဖွဲ့အစည်းနဲ့ ပေါင်းပြီး အာဏာဖီဆန်ရေး CDM လူထု လှုပ်ရှားမှုပါဝင်တဲ့ အစိုးရဝန်ထမ်းတွေအတွက် စားဝတ်နေရေးအဆင်ပြေနိုင်ဖို့ ငွေကြေးထောက်ပံ့တာတွေလည်း လုပ်နေသလို၊ ဆန္ဒပြပွဲတွေမှာလည်း စစ်အာဏာသိမ်းလုပ်ရပ်ကို ဆန့်ကျင် ကန့်ကွက်ကြဖို့ ဦးဆောင်ဟောပြောနေကြတာဖြစ်ပါတယ်။

Photo: RFA

Be First to Comment

Leave a Reply

Your email address will not be published. Required fields are marked *