Mah Police Pa Cu Mipi Lei Ah Biatak Tein A Tang Uar Um Kho Taktak (+Video)

Kawlram mipi a ting ting nih ralkap uknak lakmi duhlo sandahpiahnak ah mipi lei in ka tan ve lai tiah sandahpiahnak ah a rak ifonh ve i, biachimhnak a ngeituu security palik pakhat cu Myeik myoma police station nih an tlaih i dantatnak an tuah tiah theih a si.

Cu palik pa cu Myeik myo, tiva kam ummi Seaview Condo ah security a tuannak in mipi sandah an piahnak ah a kal i, a nupi zong siang cachimh sayamah pakhat a si bantukin mipi lei a tanhnak ruangah keimah zong mipi lei ka ttanh ve lai tiah sandahpiahtu hna ipumhnak ah speaker in a chim hnu suimilam pakhat hmanh a tling deuh hlan ah an tlaih tiah theih a si.

Myeik myo i ralkap uknak lakmi duhlo sandahpiahnak ah minung tingkhat leng an tel kho i, fimcawnnak lei cozah riantuan hna, upadi thiam sang phu hna, ngandamnak lei riantuantu hna, Land registry department, private company ah riantuantu, Bank riantuantu hna le a dang department ah riantuantu cheukhat zong nihi an telhpi hna tiah theih a si. chinmirror