Press "Enter" to skip to content

Mah Thawng Hi Laiholh Tein Thawng Zamh Mi Si Ngeih Khawh Cio Zuam Usih (+Video)

The Hakha Times February 16 Burmese Presenting : Tu lio kan kawlram buaibai nak kong he pehtlai in siseh kan lai thawngpang dang daang a herh mi tete kan laiholh tein thanh mi le chim nak hi ngeih khawh cio van i zuam hna usih. The Hakha Times nih February 16 nizaan ah thawng phuan nak a ngeih mi a si, tlamtling tein ngeih khawh cio rak i zuam hna usih.

Laiholh tein thawng kan ngeih khawh peng nak hnga mipi lei zong nih an channel hi Subscribe tuah piak nak in bawmh khawh rak zuam ve cio hna usih. A tanglei ah an thawngpuan mi kan van thil chih, tlamtling tein a dih tiang ngeih khawh kan van zuam hna lai.

Thawngpang dang relchap >>>>>

Chin Pasal Tha Uar Um Kho Taktak : Pu Thla Hre Nih Ralkap Nih An Ka Sawm I Ka Duh Lo A Ti Ve Cang

The Hakha Times: SAC Chairman ah Pu Thla Hre an fial nain a cohlang hna lo.Chin State Administration Council (SAC) Chairman tuan ding ah Pu Thla Hre an fial nain, ka si thiam lai lo, tiah February 15, zaanlei ah a al hna, tiah February 16 ah kan theih.

“Chairman hlun tleicia Terrance San Mawi Ni Khuai a thihkate ah khan an rak ka ngiar ziar cang. Ka profile zong an zoh tik ah Ukhruainak lei hmuhton ka ngeih mi, GAD zong ah kum 17 ka tuannak, State Municipal Director tiang ka phanhnak le ka konglam kha an hlathlai tik ah an lung ka ton pah rua hna. February 15 chun ah an ka auh i zei kan ti hna, aa komcia kan si fawn hna i nangmah nih lutlai na kan tuanpiak a hau ko, an ka ti.

Kaa ruat ta lai ka ti hna i minutes tlawmpal kaa ruat. Ka chungkhar le ka fale zong ka chimh ta hna i kan chungkhar lutling tein hitin ka leh hna. ‘Hawikom lawngte kan si ko hna. Asinain, pumpak hawikom sinak nakin mizapi ca riantuan le mizapi nih an duh mi uknak tang ah riantuan tu hi kei cu ka duh deuh. Cucaah, ka ruatthiam ko u, kei cu kan tuanpiak kho hna lai lo,’ tiah ka leh ko hna,” tiah Pu Thla Hre nih The Hakha Times ah a chim.

Be First to Comment

Leave a Reply

Your email address will not be published. Required fields are marked *