Press "Enter" to skip to content

Mai Lal Rin Sangi Nih NLD Mipi Le Pa Biak Sin Ah Ngeihthiam A Hal Than Hna (+Video)

CNLD minung ka si nain, NLD nih chawva an ka pek ruang ah NLD ka rak vote tiah a rak chim tu Mai Lal Rin Sangi Lungrang khua mi nih cun tuni ah Video thar thlah than in NLD mipi le Pa Biak sin ah ngeihthiam a hal hna.

Mai Lal Rin Sangi nih cun a hlanah “Ka min cu Lalrinsangi ka si i CNLD minung ka si ko nain,thla 11, ni 7 zan ah Pa Biak a rak ra i tangka thawng 50 a ka pek ruangah CNLD i vote dingmi NLD ah ka vote nak a rak si. Lungrang khua in,” tiah video a rak chuah. Mah cucu online ah a lar tuk hringhran.

Cukong lam he pehtlai in tuchun November 29 ah Mai Lal Rin Sangi nih cun “Hello, Lal Rin Sangi ka si. A hma sabik ah rak ka ngaithiam uh tiah ngaithiam kan hal hna. Hmasa i ka tuah mi video cu nihchuak capo i ka rak tuah mi a sinain, zeitin dah online ah a phanh timi kha ka thei loh.

Asinain,a hram a thok tucu keimah ka si i, serious tukin nihsuak capoh ka rak tuah ruangah a si. Nan zatein rak ka ngaithiam hram ko uhlaw a hleice in, U Pa Biak nih rak ka ngaithiam hram ko seh. A min ka chiat tertuk ruang ah lungthin tak tein ngeihthiam nak ka van hal. Rak ka ngaithiam hram seh. rak ka ngaithiam ko uh law.

Mah cu cu ka chimduh mi cu a si i, mah kha kha biahman a si loh. hrawkhrawl a si. Keimah zong nih nihchuak capo men i ka tuah mi a si. An rak post-nak group tete ah mah hi ka video hi rak ka share piak uh tiah zangfah kan hal hna. nan zapi cung ah kai lawm tuk” tiah a ti. Video a zoh duh tu hrang ah. Credit : Vapual Auaw

Be First to Comment

Leave a Reply

Your email address will not be published. Required fields are marked *