Press "Enter" to skip to content

Mak Bak Ko : Khuaruah Har Minung A Si Ko, A Nupi Naunu A Sualpi Tawn nak Cu Ramhuai Riantuan Nak A Puh Diam

Minung ngai hi kan mak bak teaw, Mah thawng hi kan hnu deuh teah khan a rak lar taktak mi a si. Indonesia, Surabaya i a um mi tlangval M Faisal kum 26 mi cu 2019 April thla ah nupi anei, inn dang ah khuasa mi an si i, a Nupi naunu tleirawl kum 14 mi te zong an sin ah an i um pi ve.

M Faisal nih hin, A nupi naunu hi a rak ai kholh lio tibantuk le, a thil ai thlen lio a hmuh tawn caah a mit a thit tuk caah a mah a zoh poh ah taksa nu-pa hmanpi duh nak a nei. Nikhat cu a nupi a um lo Karlak ah ai sum kho ti lo i, a Nupi naunu a tak si khawlh lio mi cu a va luhhnawh i, a vansualpi. ‘Na u sin ah na chimh a si ah cun Kan i then lai i, nangmah zong Ka vuak laintiah a hro chih.

Cuticun, tleirawl kum 14 mi cu, zeihmanh a chim ngam tung lo i, a u pasal nih cun, a remcan poh ah a tleihhrem lengmang ti a si. Vawikhat cu chin ah a Naunu ai kholh lio ah anpa nih cun a va luhhnawh than i, nu-pa sinak an rak hmang culio cu a va hmuh hna i, a thinhang tuk i a rianran nak in Palik sin ah a va report colh hna.

Cuticun, palik nih an tleih hna i, Cort ah palik nih bia an ceih hna , Palik pawl nih bia an hal tik ah cun nungak nu te nih cun “Ka ule nupa hi an i then sual lai ti Ka phan caah holh lo tein, zeihmanh chim lo in Ka um nak hi a si tiah Cort Chung ah cun a chim” M Faisal nih a chim ve micu hibantuk i kanupi naunu Ka sualpi tawn nak cu ramhuai riantuan nak a si ko tiah a chim ve.

‘Ka Chung ah hin ramhuai an um i cuhna pawl fialnak ruang ah Ka tleihhrem tawn mi a si tiah palik pawl sin ah Cun ai phisin nak bia cu a chim. A nupi naunu cu vawi- 7 a rak sualpi cang. kumtling lo a sualpi ruang ah, M Faisal cu kum 15 chung thawng thlak ding in biachah piak nak an neih. (WOB)

Be First to Comment

Leave a Reply

Your email address will not be published. Required fields are marked *