Malaysia Ah Kawlram Nungak A Riantuan nak A Boss pa nih A Tuahto Ning Cu Kawlram mi A Lungfak Mi An Um Lo

Thlahmasa sa nawlh november thla ah khan a rak lar taktak mi thawng a si kan van update tthan mi a si ttha tein a dongh tiang rel khawh rak i zuam. Malaysia ram ah kawlram mi nungak pakhat cu company pakhat ah rian a tuan i a hmuhmi phaisa tein kawlram lei a naule sianginn kaimi le a chungkhar pawl a zohkhenh ve hna . Asinain Covid-19 boruak ruang ah an compny cu an sipuazi a tla tuk i riantuantu minung tamngai an dinhter hna i an dinhter mi lak ah a mah zong aa tel ve.

Company in ai dinh hnu ah a phaisa ngeihcia mi a ei i innman pekding zong a harsa ngai cang .Khatlei ah kawlram lei a chungkhar a zohkhenh pah hna tik ah lungre thei ngai in a um i online ah riantuan ding a kawl . Online ah cun nikhat cu company pakhat ah riantuan ding minung an duh nak kong an postmi a hmuh ve i an address a lak i vansan tuk ah an ka la ve hnga maw tiah cu company ah cun a va kal.

Amah hi nungak kum 25 hrawng a si i a muichia lo duhnung ngai a si tik ah company i interview tuahtu boss pa nih cun direct in rian ah a rak luh colh ve . A mah hi Malaysia ah a umnak a sau ve cang i malay holh zong a thiam ngai i mirang zong a thiam pah . Boss pa nih cun nang cu keimah bawmtu ah ka office chung ah in na thu ve lai i a herhmi poah na ka bomh te lai tiah a ti .

Rian cu a thok ve i a tuanka ah cun boss pa zong nih cun a herhnak poah ah a fial i aa bochan ngai , a mah zong nih cun ka vantha tuk tiah ai ruat ve . Asinain nikhat cu boss pa nih cun passport na ngei maw a ti i ka ngei ko nain a ti ah cun boss pa nih cantha lak in passport na ngeih lo ah cun kan company ah na tuan kho ti lai lo ,zeica tiah kan company hi an rak check lengmang .

Asinain ka nawl na ngeih ah cun keimah humzual nak thawngin cun na tuan kho ko lai tiah a ti . Cuhnu cun boss pa nih cun an office chung ah mi um lo kar ah kawlnu cu zahnak pakhat te hmanh ngeilo in a angki a purh piak i a duhmi poah a tongh piak . Nu nih cun a duh bak lo nain mualpho lai le palik tlaih lai a tih i kawlram lei a chungkhar lei a ruah hna pin ah a mah zong phaisa laknak dang a ngeih lo tik ah ttap bu in ai tuar .

Hi an video hi vanchiat ah social media ah a leakout sual i mi tampi nih an hmuh i kawlram mi an lungfak ngai ngai . Asinain bia tak tein buaipi piaktu a ngeih lo caah hi boss pa hi hremnak zog an pe lo tiah theih a si .Hi pinlei an thawngpang zei tiang dah an phak timi cu thawng kan laknak ah a um tilo caah kan update than te lai .

Hi news hi kawl media nih an tial mi chungin lehmi a si . Kan ram sifah ruang ah duhlo bu in mi kut tang ah rian kan tuan pin ah mi phundang nih phaisa ruang ah duhpoah in an kan tuahto hi cu lungfak a si ko ee tiah kawl media nih cun a tial . Atanglei ah video a um lai .Chirhchan : Myanmar Dailynews.