Press "Enter" to skip to content

Mandalay Ah SAC Ralhrang Lei Tang Pakhat An Thah Khawh Cang

Mandalay khuachung Tinpankung sang no 123 lam no.47/48 lamkar ah ummi dalan tumtlang Baih Poo cu fimhlawm a si cang tiah Dragon Rangers Mandalay nih nihin December 2 ah cathanh an chuah.

No.47/48 lamkar lakphak dawr lei dalan hna umkal tawnnak lampi ah fimhlawm a si tiah theih a si. DRM nih dalan pa a lu ah meithal in tlenglak an kah caah cu ka hmunhma ah cun a thi colh tiah cathanh chungah cun an langhter.

Mandalay peng chung ummi dalan hna nih tu thilsining a cangmi kong ah thawpi chuahin nan zoh dihhnuah nan mah caan cu rak hngak cio ko uh tiah DRM nih ralrin peknak ca an chuah. Crd; The Chin Post

Mandalay khuachungah PDF phu pakhat cu ralhrang phu nih tlaih an si hnu ah, nihin zinglei thokin lamkip ah minung thazaang tampi he khamnak le checkhlatnak an tuah tiah theih a si.Mandalay khuachung ah a bik in lamngan lampi lawng ah si lo in lamhmetnak lei tiang thazaang tampi he checkhlatnak an tuah.”

Cu hlannak in an checkhlatnak thatuk in an tuah, khuachung ningpi ngawt in an check, hmunkhat ah ralhrang minung 20 hrawng nih an check” tiah Mandalay khuachung ummi pakhat nih a chim.

A luancia November thla 30, ah Mandalay si-pin committee zung kam no.72/27 lamkam zu dawr pakhat ah Bu Zikuat(ဗိုလ်ဇီးကွက်) hruaimi mi zapi vengtu ralkap phu chungtel minung 33 cu tlaih an si hnu ah a tu bantuk in checkhlatnak fakdeuh in an tuahnak hi a si.

Tlaih a tongmi mipi ralhrang phu hna cu an lu ah a nakmi plastic khuhin an tukvelh hna tiah mit hmutu pakhat nih a chim. TCP, Mizzima

Be First to Comment

Leave a Reply

Your email address will not be published.