Press "Enter" to skip to content

March 16, 2021 ah tuahmi India Parliament Session ah Mizoram Rajya Sabha M.P Pu K.Vanlalvena nih Myanmar buainak ruang i Mizoram ah aa dormi hna kong cu biatak tein a chimnak vedio

Pu Vanlalvena Nih India Parliament Ah Myanmar Buainak Ruang I Mizoram Ah Aa Dormi Hna Kong Biatak Tein A Chim Cang
===================================================

March 16, 2021 ah tuahmi India Parliament Session ah Mizoram Rajya Sabha M.P Pu K.Vanlalvena nih Myanmar buainak ruang i Mizoram ah aa dormi hna kong cu biatak tein a chim.

A biachimnak ah cun Ministry of Home Affairs nih Myanmar ram in a rak lutmi ralzam hna humhimnak caah phunglam tha tein tuah u tiah a hal hna.

MP Pu Vanlalvena chimning ah cun Mizoram ah a lutmi ralzam hna hi minung 300 leng an si cang i cu chungah minung 150 hrawng cu palik an si, tiah theih a si. Hi vialte hi Mizoram mipi le zatlangbu hna nih a si khawh chungin an zohkhenh hna.

Ministry of Home Affairs nih cun Myanmar he ramri aa tlaimi state 4 i Chief Secretaries hna cu Myanmar in a rak lutmi ralzam hna cu cohlan lo dingin a chimh hna. Cu lawng si loin ramri a hngaktu Assam Riffles hna cu ralzam luh aa timmi kham dingin nawl a pek fawn hna.

Hihi Mizoram mipi nih kan theithiam lo, a ruang cu ralzam a rak lutmi hna hi kan miphun hawi an si, cucaah kan bawmh hna a herh. Myanmar ram buainak a daih hlan lo cu kuat than awk an tha lo. India ram cu vawleicungah Democracy a hmangmi ram ngan bik pakhat a si bantukin Democracy movement paoah poah cu kan dirkamh awk a si tiin MP Pu Vanlalvena nih cun India Parliament ah raltha taktak in a chim.

Tutan buainak ah Mizoram cozah upa le mipi nih biatak tein an kan dirpi, an kan bawmh. An kan dawtnak kan philh lai lo.

Vedio

Source: Directorate of Information & Public Relations (Government of Mizoram)

Be First to Comment

Leave a Reply

Your email address will not be published. Required fields are marked *