Press "Enter" to skip to content

March thla tiang caah Cawbuk khuabawi an thim than

March thla tiang caah Cawbuk khuabawi an thim than. Hakha khuapi Cawbuk sang khuabawi caah Pu Thla Uk an thim. Pu Thla Uk hi caan kar lak caah Pu Taung Lwin he an zuam i Pu Thla Uk nih a tei caah thla 5 chung tuan chung ding in Pu Thla Uk cu thim a si.

“A ra lai mi March thla ah khin Cawbuk sang khuabawi thimnak kan tuah than te lai” tiah cawbuk khua pa pakhat sin in thawng kan theih. Chin Broadcasting Network

Thawngpang dang relchap >>>>>

Pu Trump nih a hruai mi hna i Wifi password an tuah mi cu mipi a lomh ter bak hna hih

November 3 i tuahmi US rampi ithim nak cu zumh lo nak thil phunphun tampi ruang ah tuchun nitiang a buai peng rih. Mainstream media tamdeuh nih cun Joe Biden nih teinak a co tiah an au pi i a thu lio mi President Donald Trump lei zong in vote fir i i hlen nak ruang ah kan cah lo nak a si tiah a au pi ve.

Cu bantuk in an buai cuahmah lio ah Pu Trump nih cun State Republican Senator hrang ah boruak tleih nak a neih i a mah hruainak Georgia ah mipi i hmuhton nak an nei. Cuhmun ah cun thawngpang va thei ding i a kal Mainstream media pawl cu Trump team pawl nih cun WiFi password phundang ngai an va tuahpiak hna.

Hi kong he pehtlai in,Trump campaign i senior adviser Jenna Ellis nih cun “Georgia pumhkhawm nak i WiFi password a tuahtu @TeamTrump pawl nan ti ṭha tuk. Fake news media pawl nih WiFi an hman duh a si ah cun, mah hi password an tial a hau tiin, Twitter ah ca a tial i, Press WiFi: SSID – Make American Great Again, PassWord – RiggedElection! tii tial mi caphek hmanthlak cu Twitter ah a thlah.

Twitter hmanthlak post mi cu a like tu Thawngthum reng lo an um i, WiFi min ah “Make American Great Again” ti i an hmanmi le password ah “RiggedElection” tiih an hman mi cu mipi nih an lomh tuk hringhran.

Mipakhat nih cun “Hithil hi tuah a phu hrimhrimi. A dik lomi election timi he ai pehtlai mi, thawngpang an tial duh loh nain, tuah cun an duh lo zong ah an tial a hau. WiFi password ka hmuh mi lak ah a ropui cem a si lai tiah” a ti.

Mipakhat zong nih “adiklomi election ti sawhsawh long in a za loh. Satan lei i a ṭang mi mihrokhrawl pawl i tuah mi election timi password hmang deuh ding an si nain” tiah a tial. (Twitter)

Be First to Comment

Leave a Reply

Your email address will not be published. Required fields are marked *