Press "Enter" to skip to content

Mi ngiathlaitu a si lai tiah ruah mi pakhat Mino nih an tlaih

Mi ngiathlaitu a si lai tiah ruah mi pakhat Mino nih an tlaih
=====================================
Hakha ah minung pakhat cu duhlonak a langhter mi hna ngiat-thlai duh ah mizapi sin ah aa chawk i Hakha mino hna nih a umtuning a dikcak lo tiah an ruahdamh i an tlaih. An tlaih mi pa hi Meithat Zung ah a tuan mi ka si, tiah a voi khatnak ah cun a chim nain a voi hnihnak ah cun Nay-Lone ah a tuan mi ka si a ti than. A chim ning aa dan lengmang ruang ah an tlaih hi a si tiah thawng kan theih. Democratic Voice of Chin-DVC

Thawngpang dang relchap >.>>>>>

Tlaihhrem An Tong Lai Ti Mi Tampi An Um Cang

မင်းမဲ့စရိုက် (Anarchism)”Anarchism” ti hi chanthar biafang ah cun, a phunphun in sullam an ngeihter men cang lai dah. Minung kan αΉ­hangcho deuhdeuh, kan ruahnak a zalong in a liberal deuhdeuh ve tikah.Midang zalonnak upat a thiam cangmi hna caah cun, uktu ngeihlo ruahnak theory cu an uar ngai. Korea ram Jeju tikulh ah taklawng rilikam nitlaang tang iphonak tuah an rak itiim.Biatak tein an rak ceih. A conservative bakmi society ah taklawng rumro i nu le pa zalong takin nitlang tang vai ipho ko cu, an ti.

Tlaihrem an tong lai a timi hna tampi an um.Sinain, an ram ramkhel cuanhthiam minthang pakhat nihcun, β€œKan si kho. Kan si kho lo ti ruahnak kan ngeihmi tu nih sualnak a karhter chih khawh,” tiah a ti. Ka hei ruah ah, democracy thawtnam an teh ning a saang ve hrim ko, ka hei ti.Riatriat lio ahkhan, Kawlram ah cun, မင်းမဲ့စရိုက် a tam tuk ruangah ralkap nih ram rian kan ikhinh lawlawnak a si tiah Khin Nyunt nih Kawlram cozah rianαΉ­uan upa tampi cu a rak cawnpiak tawn hna.Video he, hmanthlak he a phunphun in uktu ngeilo misual nih an hngawng an tanmi hna, an fir an baohmi an ithah an inawnmi hmanthlak tehna a rak hmuhsak hna.

2021 a von phanh tikah, ralkap cu civilized deuh ngai an si cang ti awk a si. Duhlonak a langhtertu mipi a tawngh tham hna ning ah aa ralring taktak. Zan i mi a fir in fir a timhmi hna dah ti lo cu.Chun niceu tangah cun an zia αΉ­ha dom. Car Blocking Day an tuah i Palik nih motor rawkmi an nampi hna. A motor a rawkmi cheukhat cu siahherhnak he bawmh an timh hna.Cu laklai ah media nih an thanh lomi ti in palik le ralkap lei nih video clips le files torlakte an ifim ve ti hmuh khawh an si.Nihin ah cun lang hngan deuh in an von cawlcang hnik cang. Nikhat thong nga pekmi pawl an hman hna tiah an ti.

Kap khat le kap khat kar ah thinhunnak chuahter an itiim. Thin hunnak le thin linhnak nih minung nunnak thisen a sunlawi zia tuak kho loin inawn ithahnak tehna a chuahter khawh. Rampi dirhmun cu β€œchaos” a si tik i, မင်းမဲ့စရိုက် nih a chilh tuk sual ahcun, ruruhranghrang ralkap uknak phun khi hman a herhmi ram ihruainak phung si ko tiah hlan Rom tehna chan liote in an rak pom, an ti.Cucaah tutan ralkap uknak lak chungmi kong ah မင်းမဲ့စရိုက် a chuak sual lai ti an phaang cio. Do-au dingin heh an iforh bu ah β€œPalik cung ah nanmah nih nan kut zo hmasa hlah uh. Hraang tuk hlah uh” tiah an icawnpiak pah.Nihin ni tiang tu ah cun β€œα€„α€«α€Έα€‘α€±α€¬α€„α€Ία€…α€¬α€Έα€…α€›α€­α€―α€€α€Ίβ€ lawng an chuak rih. Credit: Salai C Alexander

Be First to Comment

Leave a Reply

Your email address will not be published. Required fields are marked *