Press "Enter" to skip to content

Midang Bawmhchannak Ding ah Na Rum Hmasat A Herh Maw/ Herh Lo?

Midang bawmhchannak ding ah na rum hmasat a herh l Ma Heh lo?

Bill Gate kha vawleicung ah a rum bik minung a rak si lio caan a si. Cu lio caan ahcun mi pakhat nih vawleicung ahhin nangmah nakin a rum deuhmi minung an um ti hnga maw tiah a hal. Bill Gate nih cu caan sau ruah loin a um ko tiah a leh. A ho dah si tiah an rak hal tik ah Bill Gate nih hi ti hin a leh.

Voikhat cu vanlawng tual ah ka tum i thawngzamhca kha cawk ka duh nain tangka nek ka ngeih lo caah cawk loin kal tak ka rak timh nain thawngzamhcu zuartu pa nih a lak in a rak thenh. Kum hnih hnu ah cu ka vanlawng tual ahcun ka tum than a luancia caan bantuk in cu tangka a nek ka ngeih lo ruang ah cawk ka duh ngai mi tawngzamhca cu ka caw kho hoi lo i a zuartu pa nih lunglawm ngai in mah hi cu a lak in i lak ko keimah ka miakmi chung in kan thenhmi a si tiah a lak in a rak ka pek than.

Kum sau deuh a rauh hnu ah mi rum pakhat ah ka hun i chuah i ka rum hlan i thawngzamhcu a lak in a ka petu pa kha dawtnak va cham than ding ah vanlawng tual ahcun ka tum than. Thawngzamhca zuartu pa cu na ka thei ti maw tiah ka hal i kan theih ko Bill Gate na si tiah a rak ka leh. Thawngzamhca a lak in na rak ka thenh kha na thei ti maw tiah ka hal tik ah ka theih ko voi hnih tiang kan pek tiah a rak leh. Bill Gate nih aa thawh i a tu cu na dawtnak cham than kan duh cang tiah a ti tik ah thawngzamhtu pa nih a lehmi cu;

Zeitin dah kan dawtnak cu na ka cham than khawh ti hnga? Mah lio i thawngzamhca ka rak in thenhmi kha kei ka miakmi dih lak a si, na ka cham than ding a si ahcun nang na miakmi dih lak na ka cham than a hau hnga tiah a rak leh ve.
Cu tik ah Bill Gate caah cun amah nak in a rum deuhmi cu thawngzamhtu pa kha a si ee tiah biahaltu pa cu a leh hna.
Rumnak timi hi sui ngun chawva in tah a si loin lungthin in a rummi tu kha mirum deuh cu an si a ti duhnak fiang te in a langhter.

Cu caah midang va bawmh ding ah rum hmasat hi a hau theng lo sihmanhsehlaw kanmah le si khawh tawk in bawmhchan duhnak lungthin ngeihtu kha a rak biapi deuh.

Crd: Salai Lian Thawng Hnin

Be First to Comment

Leave a Reply

Your email address will not be published. Required fields are marked *