Press "Enter" to skip to content

Mikei Nak Hmanh In Tih Nung Deuh Mi Pa Vawlei Bak A Teuh Ko A Ei Ko (+Video)

Buh hi minung zatein ei ding rawl ah kan ruah tawn, Asiain mipi pawl nih fangcang buh kan tleihchan deuh. Asinain, ram αΉ­henkhat ahcun fangcang buh an ei ve loh, anmahtein rawl phundang an nei ve hna. Asinain, India, Karnataka pa i rawl bantuk hi cu a ho hmanh nih an ei lem lai loh.

Kum 30 mi Pakkirappa Hunagundi cu rawl a ei bal loh, rawl aiah lungtekep, leivut le tlakrawh pawl a ei αΉ­awn. Kum 20 chung bak a ei cang i a ngandam nak zong a tha ngai. A ha zong a tha tuk rih i lung cu a ei zungzal ko.

Kum 10 a tlin bak in rawl hi a tleichan ti loh i lung, vawleiphut le tlakrawh ei a duh deuh. A nu nih hi bantuk ei ti lo ding in a lem lengmang nain a ti kho bak loh. A nu nih arsa zong a pek nain a ei duh hlei loh, arsa nak in tlakrawh a thar mi te ei a duh deuh tawn.

Tlakrawh thar mi te tlangkhat a um ah cun mahcu tikik he a din chih ah cun zeihmanh a herh ti loh. A rawl thaw bik zong a si. An sang pawl zong nih thildang eiding an pek tawn nain, a ei duh bal loh. Lampawng i lung a ei duh deuh nak kong cu a chimh lehlam hna.

A taksa a rawk lo mi cu mipi an khuaruah a har tuk hringhran. Mithiam sang pawl nih an zoh i hipa hi Pica timi damlonak phundang ngai a neih ruang ah a si an ti. Pica timi damlonak nei mi pawl cu rawl an ei duh loh, minung nih ei khawh lo ding mi kan ruah mi khi ei duh nak an nei.

Pakkirappa Hunagundi nih β€œKum 20 chung lung, leivut le tlakrawh pawl ka ei cang i ka nunnak zong a si tiah a ti. Nikhat ah kilo 3 hrawng cu a ei zungzal, hmun dangdang i a um mi mipi pawl nih lung a ei lio zoh an duh ruang ah an va zoh tawn.

A thil ei mi ruangah a minthang phah nain minthan nak hi rum nak a si loh i si men lai a rum hlei loh. lung a ei lio zohtu pawl nih phaisa lawmman cu an pek pah tawn. (Ref: Indiatimes) Video duhtu hrang ah kan van thil chih.

Be First to Comment

Leave a Reply

Your email address will not be published. Required fields are marked *