Press "Enter" to skip to content

Min Aung Hlaing A Ttap Cang Lai : Covid-19 Zawt Nak Nakin Ttih Nung Deuh Mi Ralkap Nih Mipi Cungah An Tuah Mi Hi,UN Ah Hmasa Bik Ah Ceih A Si Cang Lai

Myanmar Ralkap Nih A Mipi Cungah An Tuahmi Thil Ttihnung Kongah UN Nih: Kawl ralkap hi uknak a lak lawng si loin mipi zong a kah hna caah a thimi an um cang i cu caah UN nih kawl ram buainak hi a zoh sawh kho ti lonak cu a si. A hlan tein kawl ram buainak kongah UN nih bia a rak chim cang i a tu cu minung tiang an thih cang caah hin kawl ram buainak hi thil hme a si ti lo timi hi UN nih a theih cang.

Cu caah a tu hi UN he rian a ttuan ttimi UN human rights kongah bia a ceihtu nih kawl ram kong cu bia an ruah tti hna lai tiah thei a si.A tu lio zawtnak Covid-19 ruangah bia i ruah tti ding hi UN nih tam ngaingai a ngei nain a tu lio kawl ram buainak hi a biapi tukmi a si caah Covid-19 kong hi i ruah hmasa loin a tu lio kawl ram buainak tu hi a hmasa ah an i ruah tti hna lai i a herh herh ningin kawl ralkap cu dantat le phihkharnak tuah an si lai tiah zumh cem a si.

A tu tiangah hin kawl ram a buai chungah kawl ralkap nih a mah a uknak a dohtu mipi chungin minung pathum a thah cang hna i minung tam lakte a hliamh cang hna. Cu a hliamhmi chungah cun minung zeimawzah cu an nunnak caah thin phang tlak tiangin fak lakin a hliamh hna tiah theih a si.Cun mino tampi zong nih kan nih zong kan ram nih uknak dik a hmuhnak caah kan nunnak kan pek ve lai tiah nizan ah khan kawl ralkap nih thah a tongmi Ma Mya Tuih Tuih Khine a ruak an thlahnak ah an chim tiah theih a si.

Hi tiningtein cun kawl ram hi thisen a luang chinchin lai tinak a si i Laimi kan i semnak Hakha le kawl rawn Lai khua hna caah kan mah le kan umnak ram cioin in thlacamnak tuin ttangla chinchin ko hna u sih.A ruang cu a tu lioah kan tuah khawh cemmi c thlacam hi a si ko i thlacam hi hriamnam ttha cem zumtu hna nih kan i ngeihmi a si caah a si.

Kan mah le kan chungkhar ca cio le kan mah le kan siaherhmi ca cio ah khan thlacam hi daithlang hrimhrim hna hlah u sih timi hi a donghnak ah van chim kan duhmi cu a si. Kawl ram nih a rau hlan teah deihnak tu hmu hram ko seh law thisen luannak um ti hram hlah seh.

Be First to Comment

Leave a Reply

Your email address will not be published. Required fields are marked *