Min Aung Hlaing Bye Bye, Na Caan Dih Cang,A Tu Cu Mipi Caan Si Cang
Kawi Hlaing le ralbawi pawl cu tthut umning zawng an thiam ti lai lo. Mikap hmang le mithah hmang ralkap tenau pawl le palik pawl zong an tha a di tuk cang lai. An lungchung te cun uknak kan lak hi kan ruahning bantuk a si lo hi teh, kan i chuahsual cang ko hi teh an ti ve ko lai. I ngol le an i nautat fawn lai. Aruang cu mipi hi ngol an i tim ti lo. An huai chin lengmang.An tthawng chin lengmang fawn.
Kum 60 chung an tuar cang i a simh cang hna. Hi hnu zarhhnih silole zarhthum hngak rih hna i an i ngol hlei lo le Federal Army phu ser ding si cang ko ka ti. Kawlram mipi nih ei le din le a phun2 in an kan bawmh lai i hriamnam tthattha le meithal a phunphun, UN le ramdang dang sinah kan hal lai.Federal Army kan ser khawh ahcun minung ting 6/7 cu an lut hrimhrim lai ka zumh.
Kan herhmi vialte cu hman cawk loin an kan bawmh ko lai ramkip in. Training petu ramkip in an ra lai. Ting 6/7 kan si ahcun Chin state ah 50,000 hrawng kan chiah hna lai i Kachin state ah tingkhat hrawng kan chiah hna lai. Rakhine state ah tingkhat hrawng baak chiah hna ding. Shan state ah tingkhat le thongkul hrawng chiah hna ding.Kayin le Kayah state ah tingkhat hrawng baak chiah hna ding.
Tanintharyi le Mon state hrawng ah tingkhat le cheu hrawng kan chiah hna hnga. Mah ti cun Kawlram kan kulh hnga i Kawl ralkap le palik cu thlakhat hlan ah kan tei ko hna lai. Hnawm/hmunthur kan char i kan hlonh bantuk in Kawl ralbawi chungkhar vialte le ralkap le palik vialte hi kan char dih hna lai i kan hlonh dih hna lai.Din lonak, sualnak le thahnak le hremnak a tuahtu vialte cu Kawlram chung in kan thianh dih hna lai.
Ralkap he a pehtlaimi minung vialte le mirum vialte zong kan char dih hna lai i kan hlonh dih hna lai. An neihmi chawva le thilri vialte cu rampi caah kan hmang dih lai. Kum 60 chung kan cung i tthat lonak le sualnak a phun2 an tuahmi vialte cu teirul kan cham ve hna lai.Zeitik hmanh ah Kawlram chungah ralkap nih aana a ting/a lak ti hrimhrim um ti hlah seh ti ding in kan tuah lai.
Kawl miphun a simi paoh ralbawi le palik bawi kan ttuanter ti hna lai lo. Aruang cu aana ting an hmang ruangah. Tlangcung miphun lawng2 nih ralbawi le palik bawi kan ttuan lai/kan tlaih dih lai. Federal Army hi ser zokzok ding a si cang ko ka ti.Ralkap pawl hi ngol an i tim lo. Mipi le a thimi an tam chin lengmang fawn.
A ngaingai kan ti siah cun, kum 60 chung kan cungah tthat lonak an tuahmi vialte cu teirul cham caan a cu ve cang/a za ve cang. Ralkap le palik ttha lo le mirum ttha lo le anmah he a pehtlaimi minung vialte hna hi hmunthur thianh bantuk in thianh dih ding an si cang.Ramdang bawmhnak le UN bawmhnak zong hngak ti ding kan si lo. A thimi lam an karh chin lengmang. Federal Army ser zokzok ding kan si cang. Credit: Saya Van Tum
