Press "Enter" to skip to content

Min Aung Hlaing Caah Thawngchia Ngaingai A Si Hoi

December 9, 2021 ah Kalaywah lei ah a rak kaimi ralhrang hna cu motor 3 le ke 10 ngei motor pakhat 68 Mile le 76 Mile karlak ah TDPDF (Min Gin) hna nih bom 3 in an rak phomh hna i ralhrang 30 renglo an thi.

Cu lawng si loin December 10, 2021 ahkhan ralhrang motor 4 in an rak kai tthan i 75 mile an phanh bak ah TDPDF (Min Gin) nih an bom in an rak phomh hoi hna i ralhrang lei minung 30 reng lo an thi. TDPDF lei ralkap zeihman hliamhma tuar zong kan um lo tiah thanhnak an tuah.

TDPDF nih rak phomh hna hlah sehlaw mah zatzat ralhrang nih Chinram lei ah a rak kai dingmi an si cu a fiang tuk. Kalaywah lei bak ah a rak kai ko tiah khuami mithmutu nih a chim. Crd;

May be an image of road and tree

Myanmar ram pumpi nih Silent Strike tuah lio ah miphu khat nih ralhraang cohlan lamzawhnak an tuah. December 10, 2021, Myanmar ram chung dihlak in Silent Strike tuah lio caan ah mi phu khat nih cun Yangon lam cung ah ralhraang dirkamh le cohlan lamzawhnak an tuah ve.

Nihin i kan tuah mi “Dai te um hi a thang cem mi duhnak langhter a si” tiin Silent Strike ah ramchung mizapi nih dawr hong lo in le lam ah i chawh lo in ralhraang duhlonak langhter a si.

May be an image of road

Khat lei in ralhraang nih Silent Strike ni ah Covid-19 raikhamh sii i chun ding an au, a cheu hmunkhat ahcun dawr le sehzung hna cu an thihphaih hna i minsen thut in an honter hna. Nihin ah ralhraang pawl nih dawr aa khar mi cheukhat cu hman an thlak i dawr phah mi pawl an lakpiak hna tiah kan theih. Ref.The Hakha Post

CBCUSA GS le Women Director nih Mizoram ah ralzaam in aa dor mi an veh hna. December 10, 2021, CBCUSA aiawh in Mizoram Cozah sin lawmh bia chim ding in a phan mi GS Rev. Dr. Thla Awr Bawihrin, CBCUSA Women Director Rev. Sui Hliang Chorei le Washington DC um Pu Stanly Hram Uk nih Mizoram a phan mi Chin upa cheukhat he Mizoram khuate ah aa dor mi Myanmar ralzaam pawl cu 2021 December 9 ah an va veh hna.

May be an image of 5 people, people sitting and people standing

Rev. Dr. Thla Awr Bawihrin le a hawile nih an va veh khawh mi raalzaam hna cu Cerhlun, Hngarchip le Thingsai khua ah aa dor mi pawl an si i khua khat ah Christmas laksawng can ah Rs. 100,000 cio an pek hna. “Nan harsatnak hi kan harsatnak a si ve. Mizoram Cozah sin zongah lunglawmhnak bia kan chimh hna. Rak kan bawmchan ko rih u ti zong kan chimh hna,” ti in Rev. Dr. Thla Awr Bawihrin nih ralzaam hna sinah bia a cah hna hnu ah, Rev. Sui Hliang nih an ca ah thlacamnak a ngeihpiak hna.

“Hika nan phanh hi nan i thim mi a si lo. Uknak tha lo ruangah a si ko. Ruahchannak he a ra mi nan si. Myanmar ralkap cu vawlei cung ram nih an pom lo. Nan lung dong hlah u. Chin miphun cu, nun aa hrawm mi kan si. India Cozah phung zong zulh vun i zuam u law, nan ruahchannak hi hmunhter uh,” ti zong CBCUSA, GS nih bia a cah hna.

May be an image of 5 people, people sitting and people standing

Mizoram khua kip ah, a hlei khun in ramri khua pawl ah Myanmar ralzaam an i dor i, tu tan ah an veh khawh mi hna cu; Cerhlun khua camp ah minung 200 leng an um i, a tam deuh cu Lungler khua mi an si. Hngarchip khua camp ah 100 le khuachung ah a um mi an zate 326 hrawng an si.

“Thingsai khua ah a um mi hi 400 leng an si nain nihin ahcun 200 hrawng an si. A tam deuh cu, Bungkhua an si,” ti in Refugee & Relief Management Committee (RRMC) Assistant Isaaca nih The Hakha Post ah a chim. Atu kan rat chan hi, Mizoram Cozah Lutlai hna sin ah lunglawmh bia chim ah a si. Ram thumnak kal nakding forhfial ah kan ra lo, ti zong Rev. Dr. Thla Awr Bawihrin nih a chim. #The Hakha Post

Be First to Comment

Leave a Reply

Your email address will not be published.