Press "Enter" to skip to content

Min Aung Hlaing Hi Ai Hngilh Kho Ti Lai Loh : Kawl Ralkap Hi Kan Tih Tluk In An Rak Thawng Lo

Kawl Ralkap hi kan ttih tluk in an rak thawng lo. Tulio bantuk caan ahhin an der khun. Kawlram Mipi dihlak kan von cawl ahcun an lau taktak. Cun, Tulio bantuk mass demonstration ahhin Hriamtlai pawl nih caan ttha an lak sual lai timi zong an ttih taktak lai.

Biatak tein civil war chuak sehlaw, anmah Ralkap chung lila, Battalions / Military units tampi cu an meithal her in Mipi lei an ttang kho timi zong an ttih rih fawn lai. Cucaah, Min Aung Hlaing hi, atu aa hngilh kho ti lai lo. Tulio caan hi Kawlram pi aa thleng thainak ding caah β€œgolden chance” a si tiah ka ruah.

Cucaah, si kho sehlaw tiah ka saduhthah cu, Hriamtlai dihlak, CNF/A, KNU, KIA tbks vialte hmun khat ah ifun kho vial dih hna sehlaw, mipi hnulei ah ready in dirh cang hna sehlaw, Cutin an ifun khawh ahcun, Libya ram ah sandahpiah pawl nih Muammar Gaddafi cu zu kua chung tlaih in an va tlaih bantuk in, Min Aung Hliang zong hi aa thuhnak kua chung ah zu tlaih in va tlaih khawh lio caan a si tiah ka ruah. Cucaah, thachiat ding a si lo. Naite bachim ah a von lang ahkhan a mit kua a tla viar cang si khaw, raltha tein kan fight chin thluahmah ko ahcun kan tei hrim lai. Credit: Zasang Cinzah

Be First to Comment

Leave a Reply

Your email address will not be published. Required fields are marked *