Press "Enter" to skip to content

Min Aung Hlaing Nau Le Nih Ralzaam An Kah Hna, Hliam Fak Tuk An Tuar

Nov. 25 ah Sagaing region, Butalin township, Thar Yar Kone khua i phunggy biak inn ah ralzam mi an um nak ah cun Nov. 25 zaanlei suimilam 4 hrawng ah ralhrang ralkap hna nih hriam-nam ngan in an kah hna i khua mi minung 7 a khenh hna i minung 4 hi a thi kho ding dir hmuh ah an dir tiah khua chung mi siin thawng theih a si.

Ralhrang hna hi Butalin township, Mya Thein Tan Biakinn tlang cung ah cun um hmun an khuar i, ralzam mi an um nak Dhamma zung a chung ah cun hriam-nam lian in an kah hna ruang ah khua mi 4 a thi ding dir hmun ah an dir tiah khua chung mi pakhatnih cun a chim.

Relchap; Muse Township, Man Han khua ah U Lah Pha Ting an kah i a thi. Nov. 22 Norh Shan state, Muse township, Man Han khua ah ralhrang ralkap nih People Security an Defence Army (PSDA) cu an luh hnawh hna i an kah dohnak a chuak. Cu ah cun a pawng i Lo rian tuan mi U Lah Pha Ting cu an thah tiah khua chung mi nih an chim. Crd; Khit Thit Media

No photo description available.

Thawngdang; Keimah ruahning:Atu lio ah hin Thantlang khua sersiam ṭhannak caah suingun chawva kan pekchanh ding caan a si rih lem lo. CNF/A + CDF tu hi kan ti khawh tawk bawmhnak pek cio ding, dirhkamh ding, ṭhawnter rih ding caan a si tiah ka hmuh. (Sep 18 i inn 19 a rak kangh lio zongah bawmhnak pekchanh nak lei kongkau an tawlrel mi ka thei lo, ka palh kho).

A ruang cu atu i kan dothlennak ah hin teinak kan hmuh hlan lo chung poh cu Thantlang khua cu sersiam ṭhan khawh a si rih lo. Kan hngalh dih cia a si ko.

Cu belte Thantlang sersiam ṭhan dingah timhcia tein kan um cio cu a herh. Si kho sehlaw kan ṭuanmi, kan kawlhawl mi chungin kan chuahpi mi 1%, 2% tbk in i khon cia usih law teinak kan hmuh tikah zaangdam tein kan sersiam khawh colh lai. Atu in kan thawh cia cu a ṭha ngai ve ko nain kan pipu nih ‘tangka cu thla a ngei’ an rak ti bantukin sersiam khawhnak caanṭha kan hmuh khawh hlan ah a dangdang ah a kan zuantak sual lai ti phan a um.

Civilians seek training in Chin State | Mizzima Myanmar News and Insight

Ram chung ummi mino online in a cawng khomi poh nih cawnnak kan ngolpiak bak hlah uh. Atu ah hin mino dihlak hriam i tlaih awk a ṭha lem lo. Mahle ti khawhnak cio ah a lamkip in i zuam cio ding a si ko.Ramṭha ummi; kan nulepa hna nih nan ṭuanmi ah tei kan makpiak chin uh, mino hna nih cawnnak lei ah tei kan makpiak chin ve uh, architecturer, engineer, tampi a herh te lai.

India ram Aizawl, Delhi tbk ah a ummi mino hna zong nih cawn awk a ṭha mi cu cawng uh.Business owner pawl zong nih biatak tein atu te hin timhlamhnak kan ngeihpiak cia hram uh. Ram a daih tikah zeidah ka miak khawh lai ti nakin mizapi caah zei ṭhatnak dah ka tuah lai ti tu kan ruahpiak cia deuh uh.

Civilians seek training in Chin State | Mizzima Myanmar News and Insight

Kan ram sersiam ṭhannak dingah kan thiamnak a pelte cio kha a herhnak a um dih hrimhrim lai. Bawipa bochan bu tein kan hman ahcun a sunparnak a lang lai.

CNF/A+CDF le ralzam tu hi dirhkamh rih ko hna usih. Thantlang caah a caan a phak tikah kan si khawh tawk timhcia kan si cio ko lai ka zumh.Bawipa nih himnak kan pe cio hram ko seh. Credit-Bawi Bik Thawng

Be First to Comment

Leave a Reply

Your email address will not be published.