Min Aung Hlaing Nih A Ngian A Chuah Cang Tih Nung Ko Mu Ka Tih Tuk, Misual Pawl Thong Tla Mi Cu
Ralkap nih tuzan ah thongtla minung 23000 thong in an chuah hna Wirathu le Bullet Hla Shwe tel dawh an si. Iralrin hau chin lengmang. An chuahmi hna hi misual deuh pawl si dawh an si. 1988 buai lio zongah thongtla an chuah hna, Kudawng an bauh, dinti ah poison an thlak, thil an fir caah i tuk thahnak a chuak i, rampi an buaiter chinchin. Mah buainak cu ralkap nih vanthat an ti i, ana an ting. Thonginn a lawngmi ah cozah dotu an tlaih hna i a khumh hna. Salai Lairamthang
Thawngpang dang relchap >>>>>>>
Ralkap Lei Ttang A Zei Poi Lomi North Korea Bantuk
Kan ram hi thangcho ve seh timi kan duh. Kan fale chan ahcun Singapore 🇸🇬 bantuk in a nuammi le a rummi ram si ve seh timi hi kan chunmang cio a si. Cucaah, tulio bantuk caan ah sungh, zatlak ithim in Civil Disobedience a tuahmi le nunnak thap in zalampi ah a chuak i Ralkap uknak a dohtu hna hi ram dawtu taktak cu an si. An nunnak an sungh men lai. Sifak zong an tuar men lai. Asinain an nun in ram le miphun an dawtnak tuanbia cu zungzal in a hmun lai.
Kan ram le kan miphun dawtnak lungput he, sungh zatlak ruat loin a nunnak a pemi tampi lakah Ralkap lei ttang in, kan ram hi North Korea bantuk si ding ah a zei a poi lomi, a paw ca lawng a ruatmi Chin mi kha, nihin thawk in an tuanbia aa thawk ve lai. An techin fapar chan tiang chim a si lai.
“Ram le miphun Ka dawt” tiah upa sinak aa cuh balmi vialte chung in, a hodah a tak a si i, ahodah a deu a si timi, Tuu le Meheh tthen in, ram dawtu le a paw ca lawng a ruatmi cu, fiang put in itthen khawhnak caan kan phan. Zeilam dah nan ithim cio lai? Nan tuanbia cu record in a um cang lai.
