Press "Enter" to skip to content

Min Aung Hlaing Nih Mipi Cu Vanlawng In A Phomh Tthan Cang Hna

Kawlram mipi nih Min Aung Hlaing Uknak kan duh lo caah kan duh lonak cu, ni fatin in kan langhter peng. Hi lio ah hin Min Aung Hlaing nih cun a lungdawng cang maw si hnga,vanlawng bak in mipi cu a phomh tthan cang hawi hna. poi tuk hringhran ko. mah le ram chung mi tuknak ah maw vanlawng hi a cawk hnga tiin mipi lei nih cun, an chim thluahmah ko cang.

Hi bantuk in,mah le ramchung thahnak ah vanlawng tiangtiang hman hi cu a poi tuk hringhran ko.Ram dang lei nih an sawisel len zawngah zei ah a rel piak hna lo.Ralkap cu, ram venmg him ding an si bantuk in ramchung,ram leng i ral dohtik lawngah hrianman cu hman ding asi nain,Uico pa Min Aung Hlaing nih cun a ram chung mipi dohnak ah a hman ko cang.

Nihin Coh Myaing ah duh lonak a langhter mi hna mipi cu,cung lei in vanlawng in meikhu bomb a thlak hna i, mipi lei cu an buaituk caah,an taksa himnak ding ah,kakip ah an tli dih tiah theih asi.vanlawng in meikhu bomb a thlak ruangah a thi mi le a hliam mi an um theih asi rih lo.

Nihin March 6,2021 zongah myanmar ram pumpi ah duhlonak lamzawhnak an tuah cuahmah tthan cang.Hi bantuk min mipi leiah bomb a thlak lengmang siah cun,mipi leizawng nih kani ralrin ve a hautuk cang mi si.Si nain mipi ca i rian a ttuan cuahmah mi hna,kan hruaitu pawl hna nih cun Uico pa Min Aung Hlaing thil tuah mi hi an zoh sawhsawh lai lo i,a caah caan dawngh nak zawng sikho men cang.

Be First to Comment

Leave a Reply

Your email address will not be published. Required fields are marked *