Cu hlan zongah kahdohnak a chuak tawnnak hmun Rakhine ramah a thar in SAC ralhrang le Rakhine ralkap (AA) kar ah buainak nganpi a chuak than caah zeitik caan poah ah kahdohnak a chuak kho dirhmun ah an dir tthan cang.
Mah bantuk dirhmun an phak nak ruang cu, Min Aung Hlaing nih a ralkap minung thazaang tam tuk hna cu Rakhine ram ah hmun dangdang a kuat thluahmah caah AA uk hruainak an hna hnawh deuh ruangah a si ti in min langhter lo mi sin in thawng theih a si.
“AA uknak ttangah riantuan cheukhat tlaih an timh hna, mipi hrocer in an duhning in ram chungah an cawlcangh hi a si. AA ralkap zeirel lo in nan ram ah duh paoh in kan um kho ti phun in an cawlcangh, Mah ruangah an dirhmun a zualhma chin kho: tiah amah nih cun a chim.
AA Le kawl ralkap cu a hlan ah fak ngaingai in an rak i kahdoh bal cang i, kahdohnak daihter dingin lungtlinnak an rak tuah hnu zongah an dai kho taktak lo. A tu ah, athar in an dirhmun a chia kho rih caah AA ralkap nih cun a mipi hna cu ralrinnak a pek cang hna i, kahdohnak a chuak kho caah kawl ralkap an umnak hmun ah siseh, umhmun an khuar nak ah le an sakhaan pawngkap hna kal rih lo dingin May 15 ah thawngthanhnak an tuah.
Abikin, Maungdaw le Buthidaung pawngkam ah SAC ralhrang hmuh ding mi an tam caah nai te zongah khan SAC ralhrang hna nih cun Helicopter in eiding le ralthuam cheukhat/thenkhat an rak thumh tiin tualchung mi hna nih an langhter chap.
Thawngdang Relchap>>>><<<< Raldoh Lomi He PEACE Tuah hi Sullam A Ngei lo. MAH nih 2022 cu PEACE year ati. Dindaihnak um hrim seh tinak asilo. 2023 ah thimhnak tuah khawh kha a hmuitinh asi. Cuhnu ah amah MAH le a tefa nih Kawlram uk zungzal an duh. MAH PEACE ah aatel ding mi EAOs (10) zoh tikah, Paucan Dohthlennak ah ral doh ve lomi lawng te an si. Raldoh bak mi CNA, KNU, KIO, TNLA, KNPP an I tel lo.
PEACE ah ra ve uh tiah asawm hna nain, raltuk a ngawl hlei lo. Raldoh ngaingai mi CDF PDF LDF le NUG he Remdaihnak tuah loin, PEACE hmuh khawh asi lo. Daihnak taktak aduh lo tinak asi. Kawlte zia cu an kan tei lo, Harnak kan pek hna, an mah Kawl le Kawl an buaibai I hnahnawh tik lawng ah mi an sawm tawn. Uk Sang nih Independent lak ding mi cu Tlangcung mi nih kan cohlan lo caah Panglong an tuahnak asi.
Kawlram Uknak phung cu Tlangcung mi nih kan cohlan lo caah, Kum (70) Raldoh asi. An kan tei lo I kan tei ve hna lo caah NCA an tuah. Kum 10 ah eibar a chuak ve bak lo. Aruang cu EAOs phu 17 ning in an I tel khawh lo, aa tel duh lomi an um, USDP le NLD cozah nih I tel hna hlahseh an ti mi hna an um. MAH sawmnak cu aaphun dang ngai. EAOs vialte a sawm ko hna nain, Paucan Dohthlennak ah Raldoh bik mi CDF PDF LDF le NUG a sawm hna lo.
PEACE kong ah, NLD cozah Ralhrang Rallokap an I lawh nak cu: Hriamtlai vialte he Dindaihnak an tuah khawh ballo. Kawl Uktu kip nih duhmi Divide & Rule timi ṭhencheuh in thazang derthawn ter, an cihmih, cu hnu ah PEACE ah aatel lomi hriamtlai vialte hloh dih ti kha asi. NLD nih PEACE kong ah an hmang ve mi Theory le Philosophy asi ve. EAOs he PEACE tuah chung ah thimhnak tuah, cuticun Kum 7 -10 kawlram uk,
CDF PDF LDF NUG he ral I doh tihi MAH te Planning cu asi. Daihnak umseh ti hi an saduhthah asi lem lo. CDF PDF LDF cu MAH nih an kan tei lo ahcun, PEACE tuah ding sawm ti kha MAH planning asi. Nain 2023 Thimhnak tuah hnu ah asi te lai. MAH nih Tlangcung mi nan duh mi vialte kan tuah piak dih hna lai tiah ati. Tlangcung mi siseh, EAOs siseh, CDF PDF LDF le NUG siseh,
Federal kan duh dih ti kha aphilh hnga maw? PEACE TALK tilo in Federal kan pek dih hna lai tiah MAH nih thanh sehlaw, Raldohnak cu adih hihiar ve hnga. NLD le DASSK kaa in siseh, MAH le Ralhrang Rallokap KAA in siseh, Federal kan in pek hna lai tiah a chuak ballo. Ruah ahcun, Federal pek hi an duh hrim lo tinak alang. Federal kan ti tikah, State ah Nawlngeihnak tlin khitkhet in aum lai. Mah tein Khuakhan Lairel nak aum bak fawn lai,
Tlukruan cikcek nak aum lai I, kan covo vialte pakhat hmanh bau lo tein, pek ṭhan kan si lai. Kawlte Federal, Rallokap Federal, NLD Federal, NUG federal in asi lai lo. Tlangcungmi duhmi Federal tu in asi lai. Kawlte le Rallokap nih anmah duhning in suaisam piak mi Federal asi lai lo. Ka nolh ṭhan lai. Mah tein Khuakhan Lairelnak le Tlukruannak a um cikcek mi Federal asi lai.
NUG Federal Cazual zoh tik ah lung a zawr riangmang ko. Cunglei ah kan langhter mi Federal a tlunpi lai tiah hna beisei asi ti lo. NUCC Submit ah chuahpi ding an ti, NUG he aa peh tlaih lo ahcun NUG Page ah thlah loin, Dr. Lian Hmung Sakhong personal page ah thlah ding tu asi. Ownership phung ning in NUG ta asi ko. Biasiphai duh hlah uh Chin Dr te. Silhnalh fawnhlah uh milai Upa pipi le Dr te Pipi nih.
Kannih Amyotha State kan ti. Pyidaung kan ti ballo. Chin Amyotha Pine (Chin National State), Kachin National State ti kha duhmi asi. Burma Amyotha Pine ti asi. Pyidaung ti cu Ram pakhat caah hmang mi cafang asi. Pyidaung timi cu a luat mi ram asi. EU 27 ram bantuk khi asi. Pyidaung timi biafang nih a sawh duh mi cu: Federal asilo. Zalonnak ram asi caah NUG charter he aa kalh. NUG nih an cohlan hmanh ah Kawlte nih an cohlan lai lo.
Kawlte ral an thawh ṭhan khawh mi asi. Kawlte nih duhmi Rallokap thluk hnu ah CDF le PDF rapdohnak a chuah pi khawh mi Dr Bia asi khawh men dakaw. Ralhrang lungput ngeih timi biafang kha Dr Pa nih ahmang caah NUG le Kawlte lungthin lak a har khun cang lai. MAH PEACE tel kan duh ti lo, an kan sawm ti lo, MAH pekmi Federal phung kan duh lo, NUG Federal phung kan cohlan khawh tilo, CHIN mi le Tlangcung mi nih Biachahnak fekmi pakhat tal cu ngeih a herh tuk cang. Um sawh sawh awk an ṭha tilo.
Cucaah CHIN Ralkapbu vialte hi a zei lei poah in a lam kip in thazang ṭhawn ter a herh. PDF LDF zong cu tho tho. NUG le Kawl miphun nih CNF / CNA, CNO / CNDF, CDFs, Chin PDFs phu hi an ṭhawn tet bal lai lo. Chin mi kutke lawng in a ṭhawn khawh lai. NUG le ara lai mi CHINCOZAH zong a lam kip ṭhawn ter ding. MAH le a minung EAO rual PEACE an tuah ko lai, Kannih cu an kan doh ko lai, an kan tei lo hnu ah PEACE tuah ding in an kan sawm lai.
Cutikah Kungcunghmin ZAUK pennak kong cu kan chimhrel ko lai ta. Minung, Hriamnam, Chawva, Fimthiamnak, Policy / Mumal / Dundan / Phungphai tbkin, alamkip in, Chin Ralkapbu rual vialte, ṭhawn ter lawng ah Ralhrang Rallokap cu tei khawh asi lai. Thazang in kan ṭhawn lawng ah MAH te Ralhrang nih an kan ṭih lai, PEACE TALK an kan sawm lai, Federal kong ceih hmai in pek kan si ve lai.
Raldoh cuahmah mi CDF hi PEACE TALK aduh bik mi an si khawh men. Nain sawm kan si lo. MAH te kan zumh fawn hna lo. Chin Mino nih Ramkhel mi Federal Kungcunghmin an kan pek lai ti kha MAH siseh, NUG siseh CDF tam deuh nih, an zumh ti hna lo mi belte apoi ngaingai.
Be First to Comment