Min Aung Hlaing zong nuar phun khat(CDM le sandahpiah) in kan doh ve i kanmah lila
CDM le sandah piah cu nulepa hmai rawl ei nuar he ka lawhter pah. A puitlingmi nulepa nih cun an fa pawtam ding an duh lo caah a duhmi an tuah piak. Nain, puitling lo nulepa nih cun an tuk an velh chih i ‘na ei duh lo cun va thi beh ko’ an ti salam tawn ko.
Min Aung Hlaing zong nuar phun khat(CDM le sandahpiah) in kan doh ve i kanmah lila a kan thah, a kan tuk a kan velh i atu cu a nuar ngam ti lomi an tam cang. Hiti ning cun nuar lawng a za ti rua lo, teinak ding ah cun lam dang kawl hrimhrim a hau.Salai Lungthli Tum
thawngpang dang relchap >>>>>>
Thil Sining Taktak: CNF/A Caah Phaisa An Kholh Cuahmah Mi Hi Thenthum (Group 3) In Then An Si
February 1st, 2021 in kan Burma Ram uknak cu kan duh lo ning pi in Ralkap nih an vun nam caah Feb.2nd, 2021 ah CNF nan kal pi ning kan duh lo hih tiah Statement kan cuah. Feb.20th, 2021 ah tlangcung hriamtlai bu (10) i kan hruaitu zik hna PPST nih Ralkap nan kalpining kan duh lo tiah Statement an chuah rih. Cabuai cung ah biaruahttinak (Political Dialog) cu hnabeisei ding a vun tlawm thluah mah i, a dih cang ti ding kan phan. Kan ni thim ding lam pakhat lawng a tang. Cucu kan ralkap a let 4,5 in vun tthawn ter ding lawng a si.
Cu a si caah ENSF cu CNF Chairman Pu Zing Cung le GS Pu Thla Hei hruainak in Indianapolis khua ah February,2021 ah kan thawk. Kan target cu a raa lai mi thla (6) chung ah Ram (3) nak ah a um mim kan Chinmi sinin $4 Millions ($4,000,000) a ran khawh chung in kawl ding a si. Emergency thil a si caah hi ENSF thawhnak ah hin kan Chin miphun a si mi vialte nan kan tel pi dih nak lai kan nin sawm hna.
Kan Chin Miphun 60,000 hrawng umnak USA ram ah hin $3 Millions hi kawl siseh law, a tang mi $1million hi kan Chin miphun 20,000 hrawng umnak Australia, New Zealand, Canada le Europe ram pawl ah sin ah kawl siseh kan ti. Japan, Korea, Singapore, Malaysia le a dang Asia rampawl i kan Chin mipi sin zong ah a dang tein kawl chap ding kan ti tthiam tthiam nain an mah bel te cu an umnak ram sining zoh in a rate kan tuak piak hna.
Bawmhhalnak phaisa kawlnak hi tthen/phun/Group (3) in kan tthen. Group (1)nak cu USA ramchung i a ummi kan Chin Church kip ah bawmhhalnak ca kan rak ttial lai. Church a ngan le a hmet deuh, Budget a tam le a tlawm deuh hawih in nawlnak ca cu kan rak ttial te lai. Church pawl sin in $1million hmuh ding in ruah channak kan ngei.
Group (2) nak cu Chungkhar (Family) pakhat sin ah a tlawmbik $500 cio in hal siseh tiah khiah a si. Nungak, tlangval rianttuan mi zong a tlawm $500 in hal tthiamtthiam ding in kan khiah. Mah Group (2) sin hin atlawm bik $1 million hmuh ding in ruahchannak kan ngei. (Atu an rak kan pek cio ning zoh ah cun $2 millions zong kan hmuh lai ti kan zumh. 2021 cu ENSF ah $500 pek a si lai caah Chinland Club ah pekchap a hau rih lai lo).
Group (3) nak cu Business a ngei mi Grocery dawr, Restaurant, Realtor, Chicken farm, Pig Farm, Sushi Dawt, Inn-remh etc. ect… pawl sin ah bawmhhalding a si i $1 million fawite in kan hmuh lai tiah kan zumh. An Business a ngan le a lian le an thawknak a tuan le a tlai zoh chih in bawmhnak cu hal an si te lai. A tlawmbik $2,000 cio tal cu an pek lai ti kan zumh. A cheu khat cu $5,000 a kan pee mi zong an um i, a cheu cu $10,000 a kan pee mi zong an um len cang. Kan chin miphun vialte kan lung aa rualnak le kan miphn, kanram kan dawtnak hi a tu tan ah hin kan zaapi in langhter hram hna uh sih tiah kan in sawm hna. ((Kan vun peh tluahmah lai, a tlai cang i edit ka tuah manh lo) Credit: Daniel Sakhong
Related Posts…Upat Tlak Bak A Si, Mizoram-Myanmar Ramri Tiang Amah Lawngin Sandah A Piah LaiMarch 23, 2021US Khuasa Mi Caah: Unemployment A Ngah Mi Hna Caah ThawngtthaMarch 22, 2021Apoi Tuk Ning Cu: Kawl Ralkap Pawl Farrawn Leiah Tamtuk An Kal, Farrawn Mino An I Pum CawlhMarch 22, 2021Zualko: Col. Solomon Thangding Hringtu Nu Nih Mual An Kan Liamtak: R.I.PMarch 22, 2021Breaking News: Chin Oo Sii Sang ah Mino Tampi an Rak ChuakMarch 21, 2021US Phan Vanzang Khuami Nih Cnf/A Caah An Pek Mi A Tam Khawh Ning CuMarch 21, 2021
