Press "Enter" to skip to content

Min Aung Hlang Cu Nithum Te Lawng Can Pek A Si Ko Cang

Kawlram uk nak hramhram in a la tu Min Aung Hlaing cu CRPH le Dr.Sasa nih cun nithum chung can an pek.Min Aung Hlaing cu nithum chungah Pi Suh le Win Myint nan thlah hna lo a si ah cun hriamnam hmang in tuk le kah na si lai tiah theihternak tuzing ah an tuah t’han tiah Mizo Official Channel youtube nih a chim.CRPH nih tlangcung hriamtlai phu a sawm khawh mi hna lak ah ZRA min a lang lo.

CRPH tawlrel nak in Kawl ralkap mifir rual pawl doh dingah Tlangcung hriamtlai phu hna cu a sawm hna.CRPH nih tlangcung hriamtlai phu a sawm mi hna chungah hriamtlai phu 11 nih cun cohlan in hmunkhat ah kawl ralkap doh dingin biachahnak tuah a si cang.cu hriamtlai phu hna cu CNF/A, NCA-S EOA, DKBA, KNU, PNLO,RCSS/SSA, NMSP, LDU,KNU/KNLA, ABSDF, KIA hna an si tiah theih a si.

Dr.Sasa nih US cozah sin ah kawl ralkap doh nak konghe pehtlai in nawlpatnak vui tampi a tuah hnu ah US cozah le hmun dangdang in hriamnam tampi CRPH kut ah bawmhnak a phan.CRPH nih cu hriamnam hna cu Thailand in KNU ralkap camp ah a kuat cuahmah tiah theih a si fawn.CRPH nih a sawm khawh mi hna chungin (ZRA) Zomi Revolutionary Army hna cu an lang ruam ne lo hih.

Dr.Sasa nih cun Kawlram tualchung buaibainak kongah ram kip hmun kip nih Cathanh chuah lengmang in zei hmanh tuahsernak taktak a um t’unglo ah cun cu Cathanh nih zei hmanh santlaih nak a nei lo.Cathanh nak in Kawlram caah action lak tu kan herh mi a si deuh tiah a chim rel cuahmah t’han rih.

Pi Aung San Suu Kyi le President Win Myint hna cu tuchun March 15.2021 ah an biaceih piak ding an si na in kawl ralkap nih internet line an phih dih ruangah a ra lai mi March 24.2021 ni tu ah khin an pahnih in an biaceih a si te lai tiah Hluttaw Sihni U Khin Maung Zaw nih a chim.

Be First to Comment

Leave a Reply

Your email address will not be published.