Press "Enter" to skip to content

Mindat le Matupi karlak meng 16 ah SAC ralhrang le CDF-Mindat karlak kahdohnak fak ngaiin a chuak

Mindat Peng Meng 16 Kahdohnak ah SAC Ralhrang Mithi/Hliampu an Tam
———
Nihin (August 15) ah Mindat le Matupi karlak meng 16 ah SAC ralhrang le CDF-Mindat karlak kahdohnak fak ngaiin a chuak i ralhrang lei mithi le hliampu an tam, tiah CDF-Mindat chungtel pakhat nih a langhter.
“Nihin meng 16 kahdohnak ah SAC lei hliampu le mithi an tam. Kanmah CDF lei zong in hliam (fak lo) a pumi cheukhat an um ve,” tiah a chim.
Meng 16 zawn ah a ummi ralzaam inn pahnih SAC ralhrang nih an khanghpiak hna.
August 13 kahdohnak ah CDF lei in minung 2 hliam (fak lo) an rak pu.
Cun, nizan August 14 kahdohnak ah SAC ralhrang 7 an thi, tiah CDF-Mindat nih Mizzima ah an chim.
SAC nih Mindat peng ah ralkap thazaang an chap chin i Mindat ralkap sakhaan ah miakpi tibantuk zong an hun chap caah aralaimi nicaan chung ah kahdohnak pehzul in a fak chinchin kho.

Nihin Mindat Kahdohnak ah SAC Ralhrang 20 Leng an Thi
———–
Nihin (August 15) ah a cangmi Mindat-Matupi karlak meng 16 zawn kahdohnak ah SAC ralhrang 20 leng an thi, tiah CDF-Mindat nih thawngpang an chuah.
Nizaan meng 14 zawn kahdohnak zong ah SAC ralhrang 7 an thi cang. Nihin ah ralhrang 20 an thih pin ah a dang 15 hliam fak an pu, tiah an langhter chap.
Nihin kahdohnak ah CDF-Mindat lei in hliam (fak lo) a pumi cheukhat an um tiah tuan ah an lang

Yangon Tlanglawng Cung ah Palik 4 Meithal in an Kah Hna
———
Nihin zaanlei sml. 5:00 hrawng ah Yangon, Insein lei ah a kalmi khuaveltu tlanglawng cung ah SAC palik paruk meithal in kah an tong i pali an thi.
A thimi palik 4 ruak cu Kyihmindaing tlanglawng dinhnak hmun ah SAC nih an lak hna, tiah khuami pakhat nih a chim.
A thimi palik 4 i an meithal pawl cu a kaptu mibu nih an lak i an i kalpi.

The Chin Journal
August 15, Yangon
#Hmanthlak: Chinram hmun khat CDF ralkap hna.

Be First to Comment

Leave a Reply

Your email address will not be published.