Press "Enter" to skip to content

Miphun dang kuttang ah:Sal riantuan mi kan far le ka zoh hna tikah’Ka thinlung nih a celh hrimhrim lo.

Kan inn kiang rawl dawrih an rat ka hmuh can a tam. Cabuai khatin ei ding phunphun an hun liailiai laiah, an hnenum nute cu nau an um terih nau awi phah in cabuai ziangih a her lialo ka hmuh canah ka thin in sun, thin a na.Kan hnațuan nak NTUC sungah an kilkhawi mi pi-tar/pu-tar ti țiapți te lengin an nawr, an thanau mithmai le tihphannak mitmeng ka hmuh can thin a na.An nau-um mi hruai phah ih bazar an kai can, an nau mi lakih an tah canih an pi le puin milakih duhtawkih an kawk ka hmuh tikah, ka lung a zur.In kawk pang kei, Ka tuahmi parah an lungkim lo pang kei ti ruat ih tikcucan an hman can a tam.

A then cu an online nan tohkham parih to ve an phu lo. Ek-inn kholhphah ah a thupten an online, zan ih canah puan lukhuh phah ih online khal an um ko ding. An zalen lo zia ruah tikah țah a suak.Offday an suah can hmanah, ka tluntlai len in kawk pang ding ti ruat phahin thinnuam lo cingin rual an kawm. Ngainat zawng an neive tuk nan, an boss teih duh dingin rawl an suang. An ei cak mi hman ei thei lo ih an um ruah tikah hnuk a ulh.

Vawi tampi cu Pathianin amah theitu dingah Chinmi in hril nan, ziangruangah so mi hnenum ih rethei zawnzai dingih in ret tin Pathian ka mawhthluk tum can a tam ťheu.
Hmanseh Pathianin kan hrang țha loin khua a khang dahlo ih, in kilhim banlonak hmunah in thlengter dah lo tin thinnuamten ka um sal theu.An harsatnakpawl ka hmuh le ka theih tikah, an hrangah mi țangkai siin hi harsatnak ihsin luat thei hai sehla ti tumtahnak sangtak thawn sumpai khawldan thuhla khal ka ngan theu.

Ka ruahsannak a cem hrih lo. A cem dah fawn lo ding.

Sal dinhmunih zuarmi
Josehp khal, Egypt ram hruaitu ih a tuahtu le fimnak petu Pathian.
Aw-hak, sal dinhmun ihsin Pathianih hrilmi Israel pawl hruai suaktu ah Moses a tuahtu Pathian.
Zumnak thawi kekartu Daniel tei ruahvahza cawisangtu Pathian cun in cawisang leh dingih, kanmai ke ih ding thei dingin in tungding leh ding ti ruahsannak thawn nan thanau hrimhrim hlah uh.

Pathianin harsatnak hmunah a falepawl in tanta dah lo ding.

Be First to Comment

Leave a Reply

Your email address will not be published. Required fields are marked *