Press "Enter" to skip to content

Mipi 100 Leng Nih Palik Mawtaw An Suasam Ih Palik Pahnih An Thi

Sagaing ramthen Depayin peng Fot Htan Taw khua kiangah palik mawtaw pakhat cu mipi 100 lenglo in an suasam hnuah palik 2 an thi ih hliamhma tuar bese zet dang an um tiah MRTV cun a than. MRTV cu ralkap neihmi ramsung TV thuthang a si ih mipi sual puhnak ah thildang thu ih palik thi thuhla cu mipi a puh sipei maw tiah mipi lamin thusuhnak a tam zet nan, Fot Htan Taw khawmi thuhla suh a si tikah palik le khua mipi an buai ngaingai thu le palik lam thi an um thu an rel ve.

khuami pakhat cun β€œRalkap uknak duh loin lamzawh duhphorhnak nei mipi mawtaw tlun caan ah buainak thleng a si. Mithi palik pawl cu zinpi ah an um ih mipi rak tibuai an si. Buainak a suah ciamco hnu reilo ah palik le ralkap mawtaw tamzet cu khua ah an rasal ih mi 6 an kai. Inn pahnih an bauh siat ih a sung thilri tlunah fangfai dip khal an laksak a si,” tiah a ti.

Mipi tamsawn an diriam zetih mipi cangvaih a cu ,ralkap le palik khal tuar ve thlang ding an si tiah palik vel thattu khua mipi cu thazang an pe zetih hrekkhat cun palik thi 2 cu mipi kut tuar taktak an si pei maw? tiah thusuhnak an nei ve a si. vapualauaw

Be First to Comment

Leave a Reply

Your email address will not be published. Required fields are marked *