Mipi A Thah Tawntu SAC Ralkap Hna Cu PDF Ralkap Nih An Kah Hna Caah Tam Tuk Lawmmam An Thah Hna

Myaung Peng Ah Mipi Thattu SAC Ralhrang An Kah Hna Caah 36 An Thi; Ca An Ṭial I An Ruak An Kaltak. Sagaing ramṭhen, Myaung peng chung ah rallam sialmi SAC ralhrang pawl cu tualchung hriamtlai phufonh nih an kah hna caah an hruatu ralhrang bawi telh in 36 an thi, tiah Myaung-CDSOM in ṭuanvo ngeitu pakhat nih a chim.

Vaute[March] 21 zanlei suimilam 4:00 tluk ah Myaung peng chung hmunthum ah thazaang 200 tluk rallam sialmi SAC ralhrang pawl cu tualchung hriamtlai phufonh nih suimilam 2:00 chung an kah hna. Kahdohnak a dih hnu ah mipi hriamtlai nih Check hlatnak an tuah i, an hlonh sawhmi ralhrang bawi ruak le Ca an ṭial ta mi zong hmuh a si.

“Kahdohnak aa thok hlan chun suimilam 12:00 tluk ah CDSOM nih pelthlem in kan kah hmasa hna. Chun suimilam 1:00 tluk ah Myingyan hriamtlai 35 nih an rak kan bawmh i 40MM hriamngan in kan kah hna i an umnak zawn ah a tla, Cu hnu ah meithal he luhhnawh in kan kah hna” tiah, Myaung-CDSOM in ṭuanvo ngeitu pakhat nih a chim.

Kan kahmi hna SAC ralhrang pawl hi Myinmu peng mipi cheukhat hna tlaihhrem in thattu an si i, March ni 13 in Myaung peng chung ah tualchung hriamtlai phufonh nih an kah hna, March ni 15 ah 8, March ni 16 ah 9, March ni 21 ah 19 ( An dihlak 36) an thi, tiah an langhter.

Hi kahdohnak cu CDSOM, Myinmu CRF-3, Sagaing pengkomh Battalion-1 inṬetkhuai-3, 4, Battalion-2 in Ṭetkhuai-3, Battalion 6 in Ṭetkhuai-2, MGN 35, 11 Brother Force, Young Man, LCAR, Myinchain pengkomh Battalion-1, 3, Burmese Guerrilla Force-BGF (Myingyin), MS9 Brothers,

Shwe-Ao Revolution Force, Justice Revolution Force – Myaung, Mandalay Battalion-3, Mandalay pengkomh Battalion-3, Ṭetkhuai-3, Leopard Mobile Defense Force – Myaung le ṭangṭi phufonh hna kan si i, kuan 2,000 leng, Bomb kuam 20 kan hman hna i, Drone pakhat a rawk, tiah an langhter. #Lungmili Post #Khit Thit Media

Leave a Reply

Your email address will not be published. Required fields are marked *