Press "Enter" to skip to content

Mipi Hna Nan Au Lio Ah Palek Nih An Rak In Fuh Hna Ah Cun Raltha Tein Rak Tlai Hna Ulaw An Uniform Phoihpiak Hna U

An Thil (Uniform) Phoihpiak Hna U.Mipi hna, Atu lio cu ralkap nih nawlngeihnak an lakmi ruangah ram pumpi in hmunkip ah duhlonak langhter cio a si. Cu duhlonak a langhtertu hna cu palik nih an tuk an den hna i an kah hna an tlaih hna ti cu zapi nih theih dih cio le hmuh cio a si. Duhlonak nan langhter ruangah palik nih an in kham hna an in tuk an in den hna le an in tlaih hna a si ahcun mipi nih, β€œNan au pah in tlai u law an uniform phoihpiak hna u,.tiah au pah in nmah tu kha nan tlaih khawhmi hna paoh tlai ve hna u law an thil, an uniform rak phoihpiak hna u law taklawng karau in umter hna u.

Uniform phoihpiak hi ahohmanh nih duh lomi le Θ›ih bikmi a si.Thil (Uniform) phoihpiak hi an nunchung ca lawng hmanh si loin ningzah mualphonak an inmi kha an thihhnu pi tiangah a taang thai i an tuanbia a lo kho ti lomi a si. Cucaah ahohmamh nih an cungah a tlun dingmi kha an duh lo i an ngamh bak lomi thil pakhat a si. Zapi nih a ruah awkah kan hngal bal theng lai lo.Hriamtlai (Palik) rian ka rak Θ›uan lio, Shan ram Thailand ramri ka rak um lio ah mibu an buai i tlangtlak ding le va kham ding i kan kalhnawh hna ah hin, β€œAn thil, uniform phoihpiak hna u law taklawng in lawiter hna u,” tiah an kan au hnawh tawn. Ahohmanh nih an kan tlaih i kan thil an kan phoihpiak ding le zapi hmai ah taklawng karau in um ding kha kan duh lo i hmaisuang bik um hmanh rak ngamh a si lo. Kan Θ›ih bikmi thil pakhat a rak si.

Kannih Myanmar ram mi caah cun mi zapi hmaiah pa nih til langh le nu nih khup langh hmanh a duh bak lomi kan si. Cucaah dai tein ralkap uknak duhlonak nan langhternak ah ralkap le palik nih an in kham hna i, fahnak pek dingin an in hrocer hna le an in kah hna an in tukvelh hna a si ahcun mibu nih nan tlaih khawhmi hna paoh tlai hna u law an thil, an uniform phoihpiak dih hna u. Mah kha kha thing lung cheh le meithal kah nakin an Θ›ih deuhmi a si.Mah ti i pahnih thum nan tlaih hna i an thil, an uniform nan phoihpiak hna i chunlaicir zapi hmaiah taklawng in nan chiah khawh hna ahcun an dih cang. Thil (Uniform) phoihpiak lai phan ah cunglei nawlpekmi bia hmanh an el ngam cang lai. A hnuah cun mipi lei Θ›ang an si lai. A ruang cu thil phoihpiak Θ›ih ah cunglei nawl pekmi an ngai duh ti lai lo. I, atu mipi nih nan tuah cuahmahmi CDM (Civil Disobedience Movement) dirkamhtu an si ve cang lai.

Hi bantuk uniform phoihpiaknak nih hin anmah le anmah kar hmanh ah lung i hmuh lonak le i rem lonak le i tuk kahnak tiangin khin a chuahter khawh. Cunglei in duhlonak a langhtertu mibu kha a herh ahcun nan kah hna lai, nan tuk nan velh hna lai, nan tlaih hna lai i thong ah nan thlak hna lai tiah nawl an pekmi hna cu a tuah lai an i lap tuk. Asinain duhlonak a langhtermi mibu nih thil, uniform rak phoihpiakmi si i talkawng karau in um ding kha cu aho ralkap le palik hmanh nih duh lomi a si.Cucaah cun mipi hna duhlonak nan langhternak ruangah ralkap le palik nih an in tuk an in velh hna le an in tlaih hna a si ahcun nanmah mipi tu nih nan tlaih khawhmi palik le ralkap paoh kha tlai ve hna u law an thil, an uniform rak phoihpiak hna u law taklawng karau in rak umter hna u. A thaizing duhlonak a langhtertu mipi kham ding le tlaih dingah cunglei nih an fial kho ti lai lo i a rat zong a ra ngam ti lai lo.Na duh ahcun i copy asilole share tuah. Catialtu: Salai K. Biak Lian Thawng

Be First to Comment

Leave a Reply

Your email address will not be published. Required fields are marked *