Chinram: Mindat le Matupi lampi cu caan karlak zulh rih lo ding in kan phih, tiah CDF- Mindat nih March 19 ah a thanh.Mindat- Matupi lampi cu March 19 thok in caan karlak kan phih chung i mizapi nih nan zul rih lai lo, hi kan thawngthanhnak a zullo mi cu nan ton mi thil kong ah kanmah ṭuanvo kan ngei lai lo, tiah CDF Mindat nih cun March 19 ah cathanh a chuah.
Nizaan ah Matupi peng Mara hmun Htebwe khua ah a thli tein a lut mi SAC ralkap hna nih CDF Matupi ralkap 2 cu zohchia tuk in an thah nawn hna, tiah tualchung thawngzamh nih a fehter ning in theih a si. Zohchia tuk in thah a tong mi CDF Matupi ralkap pakhat a ruak pawng ah SAC ralkap nih bomb an hmanh caah a ruak lak khawh si rih lo, tiah theih a si. Credit: The Chin Post
Japan Prime Minister Cambodia ram ah nihnih caam ding i a tlawnnak ah Myanmar le Ukraine buainak kong biaruahnak an ngei. Prime Minister pahnih hna biaruahnak cheukhat cu March 20 ah langhter a si i, Myanmar ramkhel kong he pehtlai in, Myanmar ramchung ah tharum thawhnak(violence) donghter ding in nawlnak an tuah.
Cun, hriamthil kong he pehtlai in bawmhchanhnak a petu hna nih ngol ding le, ram daihnak a um khawh nakhnga ṭuanvongeitu hna dihlak nih lungsau tein tawlrel ding in le ramkhel kong ah tlaihkhih a tong mi dihlak hna cu thlah in democracy lamthluan a zawh khawh nakhnga Myanmar SAC cozah sin ah nawlnak an tuah.
Yangon khuasa ramkhel lei bochan mi pakhat nih cun, “Prime Minister 2 nih nawlnak an tuah mi cu a ṭhatuk mi a si nain, a tak in tuah ding mi nawlnak a si lo caah zeihmanh san a tlai lo,” tiah a chim. Prime Minister 2 hna nih hin cun ASEAN tonbiaruahnak ah biachanhnak thil phun 5 an rak ceih cang mi cu tlamtling te i zulh a si khawh nakhnga nawlnak an tuah fawn, tiah theih a si.
Be First to Comment