Myanmar ram pumpi in dohthlennak tuah hnu May 3, 2022 nikhat chung kahdohnak ah SAC ralkap 55 an thi i PDF 6 a nunnak liam tiah Yangon Khit Thit nih a thanh.Cazin ning ah SAC ralkap a thi hi Sagaing ramthen Mawleih(မောလိုက်) ah 4, Myinmu ah 21, Thicheih ah ah 6, Myaung ah 4, Yinmapin ah 3, Yangon ramthen Kawhhmu(ကော့မှူး) ah 2, Myandalay ramthen ah Kyaukse ah 1, Magway ramthen Pauk ah 1, Chin ramkulh Chungcung le Dokthek kar ah 13, an dih lak 55 an si.
PDF lei in Mandalay khuchung hotel pakhat ah 5 an nunnak liam i Hakha peng kahdohnak ah Chin ralkap 1 a nunnak liam. Pasaltha Cung Thang telh in PDF paslatha minung (5) hna cu Mandalay Hotel chung i kahnak ah an nunnak a liam tiah kan theih. Hi thawngpang hi an mah Rangers of Mandalay timi khuapi chung dohnak a tuahtu phu simi Mandalay PDF nih cathanh in fehternak an tuah ve cang.
An chim ning ahcun “Hi PDF pasaltha minung (5) hna hi raldohnak i an thabat ruang le hliamtuar mi an um ruang ah Mandalay Khuapi, Green House Inn timi Hotel ah chikhat an i dih ta karlak ah a si i Hotel ah an um cu Dalaan nih SAC ralkap sin ah report a va tuah hna.
Cu caah ruah lo pi in SAC ralhrang pawl nih cun an rak kulh dih colh hna hi asi. An mah zong nih fawi tein SAC ralhrang i tlaih ter cu an duh lo caah kaphnih karlak kahnak a chuak i SAC ralhrang lei an tamtuk caah zeitin hmanh in an mah caah luatnak a um ti lo i an nunnak tiang an pek hi asi” tiah an langhter. Mandalay Hotel i kahnak ah a nunnak a petu hna hi Cung Thang, Nye Ko, Ye Baw Awza, Fatty, Mah Eih hna an si tiah an langhter.
Hi pasaltha hna an thih nak kong ah Mandalay PDF, Ranger of Mandalay nih an ngaihchiat nak zong an langhter ve. Mandalay Hotel ah chikhat an i dinh karlak a si, Dalaan nih SAC ralhrang sin ah report a tuah hna hnu in an nunnak tiang an pek lawlaw hi a si. Lung a fak hringhran. Cu an mah lak ah Ma Eih timi nungak pakhat zong aa tel ve ti asi.
Be First to Comment